يسرا اللوزي تكشف كواليس مشاركتها مع نسرين أمين في رامز جاب من الاخر

تحدثت الفنانة يسرا اللوزي عن كواليس مشاركتها في برنامج "رامز جاب من الآخر" في حلقة جمعتها بالفنانة نسرين أمين.

وأكدت يسرا اللوزي  خلال تصريحات تليفزيونية "أنا ما عنديش مشكلة مع نسرين أمين ولا أي حد، وحتى رامز جلال مقالش إن في بيني وبين نسرين مشاكل، إحنا مكناش عارفين أن في حد معايا في الحلقة، ولما سألوا إدارة أعمالي عندي مشاكل مع مين قالولهم معندهاش مشاكل مع حد، مكنوش عارفين يعملوا إيه فقرروا يبنوا الحلقة بتاعتي على أننا شخصيتين عكس بعض".

وأضافت: "أنا معنديش مشاكل مع حد لأني بعمل هبلة، ونصيحتي للناس أن كل واحد يبص في ورقته وقتها الحياة هتبقى حلوة".

وتابعت: "أنا برج الأسد لكن أنا مش واخدة من صفات البرج ده حاجة، بحس إني مظلومة الناس بتتعامل معايا إني بحب الأضواء والسيطرة وكلمتي هي اللي تمشي وأنا "كتكوت مبلول" لو في برج اسمه كده هيبقى أنا".