أمير مرتضي منصور: راهنت على إمام عاشور واشتريته بـ 12 مليون جنيه
تحدث أمير مرتضي منصور في برنامج أسرار مع الإعلامية أميرة بدر ،عن اتهامه في التفريط في امام عاشور لاعب وسط الزمالك السابق والأهلي الحالي وعدم تجديد تعاقده.
أمير مرتضي منصور: راهنت على إمام عاشور واشتريته بـ 12 مليون جنيه
قال أمير مرتضي منصور في تصريحات تليفزيونية: كنت مدير الكرة لنادي الزمالك في وقت التعاقد مع امام عاشور، وكان أغلبية المجلس يمانع بسبب مغالاة نادي غزل المحلة ، لكن كنت أري أنه سيكون أفضل لاعب في مصر وخاصة انه يمتلك 20 عام فقط، واشتريته ب 12 مليون جنيه.
وأضاف أمير مرتضي منصور:عندما أتي امام عاشور الي الزمالك كان احتياطياً، وكان يفتعل الكثير من المشاكل في أول سنة والثانية، ثم نضج في ثالث سنة ، وعند رحيل طارق حامد وفرجاني ساسي، كانت الظروف سبب مشاركته ولعب وتألق، وفي ذلك الوقت لم أكن موجود داخل مجلس نادي الزمالك وعندما عدت في السنة الرابعة من عقد اللاعب كان باقي في عقده سنة واحده وقرر الرحيل لتجربة جديدة احترافيه في فريق ميتلاند الدنماركي.
وعلق أمير مرتضى منصور، المشرف السابق على الكرة بنادي الزمالك، على تصريحات ميدو الأخيرة بأنه سيكون أصغر رئيس للزمالك، قائلًا: "ميدو يبقى أصغر رئيس لنادي الزمالك لو انا مقررتش اكون أصغر رئيس للنادي، لأني أصغر منه وهسبقه، مش حبًا في السلطة اني عايز ابقى رئيس للزمالك، لكني عايز أعمل اسطورة، عايز لما امشي الناس تقول ده كويس وعمل حاجة، وانا حالياً مش عايز، وعندي القدرة لكن معنديش الرغبة وهرشح نفسي في يوم من الأيام بشرط لو ميدو نزل الانتخابات".
وتابع: "عشان مبقاش بقول اي كلام بهزار، بس تجربتي في العمل العام، مش مبسوط منها ولا من الأجواء ولا العلاقات، مش عايز ابقى كومبارس، يا ابقى موجود يا اتفرج على الزمالك من البيت، وميدو مش عضو في نادي الزمالك حاليًا اصلا، بس ممكن يعملها أي وقت، ولو نزل انا اللى هكسب لأنه عشوائي ومتهور وأعرف أوقعه، لكن هو من الناس اللي اشتغل معاه، واشتغل أي حاجة معاه، اما بيني وبين حازم إمام فا مفيش مقارنة بيننا، لانه حاجة كبيرة ليا وبحبه جدًا وكان قدوتي زمان، لكن عايز دايرة حواليه ويشتغل على نفسه، ولو رئيس فا لازم معاه نائب قوي".
