سمية الخشاب: رفعت قضية على رامز جلال بعد الحلقة ومش هسيب حقي
كشفت الفنانة سمية الخشاب خلال تصريحات تليفزيونية ، تفاصيل عن إصابتها بعد المشاركة في برنامج رامز جاب من الاخر الذي يقدمه الفنان رامز جلال عبر شاشة قناة إم بي سي مصر.
وأكدت سمية الخشاب أن رامز جلال تعمد أذيتها وأنها رفعت قضية ضده للحصول على حقها، كما أوضحت، أنها تمتلك تقارير طبية تثبت تعرضها لتمزق في أربطة القدم والكتف بسبب برنامج رامز قائلة :«هما قصوا كتير جدا من الحلقة.. أنا كنت بقلوا مش قادرة اتحرك وأيدي ورجلي وجعيني طول الوقت لكن هما حذفوا كله ده عشان متظهرش إصابتي».
وتابعت خلال تصريحاتها التليفزيونية قائلة :"أنا طالعة من الاستوديو بعرج ورجلي وارمة جدا ولما روحت الفندق طلبت يودوني المستشفى.. وتاني يوم الصبح روحت المستشفى وأكتشفت أن عندي تمزق في أربطة رجلي وكتفي وقالولي انتي مش أول حالة تجلنا من عند رامز .. اقل واحد اتصاب كان عنده كدمات في جسمه".
واستكملت حديثها قائلة :"ولا واحد من البرنامج أو حتى رامز اتصل يقول اسف أو ألف سلامة.. هو احنا في غابة.. المهم عنده انه يطلع تريند» مضيفة :«أنا طلعت معاه 4 سنين قبل كده في برامجه بس كنت عارفة ايه اللي بيحصل.. بس المرة دي محدش قال".
واختتمت قائلة :«بقالي أكتر من شهر رجلي وارمة وعايشة على المسكنات.. ده تعمد للأذية ومهزلة لا يمكن السكوت عليها .. وانا بالفعل رفعت قضية ومش هسيب حقي».
وتقوم فكرة البرنامج على تنفيذ مقلب في اثنين من المشاهير، بينهما خلاف أو منافسة، ويعرض برنامج الفنان رامز جلال يوميًا طوال شهر رمضان المبارك، عقب أذان المغرب على فضائية MBC مصر.
وظهر عدد من النجوم فى برومو برنامج "رامز جاب من الآخر"، من بينهم أحمد السقا، وباسم سمرة، ومحمد لطفي، وميرهان حسين، وأحمد حسام ميدو، وكزبرة، ونجلاء بدر، وسمية الخشاب، ومحمد شاهين، وباميلا الكيك، وعبد الناصر زيدان، ومحمد رياض، وحمادة هلال، وحسن شاكوش وطليقته، وحمدي الميرغني، وهدى المفتي، وأحمد مالك، وآيتن عامر، ومي عمر، ونسرين أمين، ويسرا اللوزي، وانتصار، وأحمد فهمي.
