أول تعليق لمحافظ إسكندرية منذ إصابته بكورونا.. وتعليقه على ستانلي وكارفور

الأحد 03/يناير/2021 - 10:13 م

قال محافظ الاسكندرية اللواء محمد الشريف، في أول مداخلة له منذ إصابته بفيروس كورونا إنه لازال أمامه فترة تتراواح بين ثلاثة إلى أربعة أيام حتى تنتهي فترة العزل الصحي الخاصة به.

وتابع في مداخلة هاتفية عبر برنامج "كلمة أخيرة" الذي تقدمه الاعلامية لميس الحديدي على شاشة "ON" قائلاً :" الحمد لله الامور إتصلحت وبقت أفضل كتير".

وواصل: "النهارده مش حابب أتكلم كمحافظ لكن كأحد المواطنين الذين أصابهم فيروس كورونا وإصابة ليست سهلة بل شديدة وعاوز أققول للمواطنين من تجربتي كورونا صعبة مش سهلة وتؤدي لتدهور الحالة الصحية للانسان والتنفس وبيبقى صعب اوي مش زي الانفلونزا خالص الموضوع مش سهل".

ووجه رسالة للمواطنين في الاسكندرية وبقية المحافظات قائلا: "الموضوع مش سهل وكل واحد يتلزم بالاجراءات الاحترازية كويس أوي أوي لان المرض صعب جداً".

وأردف: "رسالتي لغير الملتزمين الامر شديد الخطورة وكل واحد يخلي باله من نفسه وانا كمحافظ واثناء عملي ومباشرتي للامور بشكل ميداني مكنتش حريص بشكل زيادة عن اللزوم أحياناً كنت بقلع الكمامه عشان أكلم الناس وارجع ألبسها تاني والكلام ده مش هكرره تاني لاني شفت المرض وعانيت منه أوي".

وواصل: "لما عملت الفحوصات كان الفيروس اثناء إجراء الاشعة قد لإقتحم الرئة بشدة والان أحصل على جرعات كبيرة من الكرتيزون حتى أكون بوسعي السيطرة على المرض والحمد لله أفضل دلوقتي.. وبقول الكلام ده لكل المواطنين محدش يعتقد إنه نوع من أنواع الانفلونزا وهيعدي".

وفي أول تعليق له على إحتفالات إستانلي عشية إحتفالات راس السنة قال: "كنت حزين جداً أنا بشوفه ومهموم وحزين حزني على المواطن السكندري أكبر من حزني على نفسي وكنت بتخيل لو أنا كنت موجودوقتها كنت هنزل بفسي وهمنع ده زي ماعملت المرة الي فاتت ومكنش الموقف كويس.. وشفت كمان فيديوهات كارفور".

وكشف أنه يباشر عمله بالكامل من بعد عبر إستراحته التي يمكث فيها فترة عزله الصحي قائلا: "بباشر عملي كامل من الاستراحة لكن مافيش نزول ميداني لحد مأخف وأنزل وماحدث في كارفور أمر سيء جداً وغير مقبول مش معقول الدولة تمشي في إتجاه عبر الرئيس ومجلس الوزراء وإحنا نمشي في إتجاه تاني الدولة قامت بتأجيل الامتحانات وعملت كل حاجة وبعدين نشوف مشهد زي ده سواء في ستانلي أو كارفور وكانا نسير عكس غتجاه الدولة وحرصها على سلامة وصحة المواطنين ومن أجل ذلك اصدرت توجيه ووقفت بالمرصاد حتى نزلت الاجياء وباشرت عملها في كارفور واغلقنا 20 محل لعدم إتباع الاجراءات الاحترازية لا من ناحية العدد ولا إرتداء الكمامة".

وأكد أن اية مكاسب مادية لاتساوي شيئاً أمام صحة المواطن قائلا: " الناس والاسر المتزاحمة والشباب في كارفور أو ستانلي مشهد مؤسف الشباب كان فرحان فرحة زائفة بيضحك على نفسه لانه أول ماهيصاب مش هيعرف يتنفس وهيصيب اسرته".

وأستكمل: "عدد الي كانوا واقفين على الكوبري ليلة راس السنة 2000 أو 3000 لكن عدد سكان محافظة الاسكندرية أكتر من 5 مليون لكن ماحدث يمثل هخطورة كونه بؤرة محتملة ممكن يصيبوا الخمسة مليون الي في البيوت".