سعد فتحي: قعدت في الرعاية 15 يوم ومحدش وقف معايا غير النقابة.. وجت من الشباب ومجتش من المعرفة
الثلاثاء 19/مارس/2024 - 05:01 م
كشف الفنان سعد فتحي، عن تعرضه لوعكية صحية خلال الفترة الماضية، معربة عن استيائه بسبب عدم سؤال أصدقائه عليه، بجانب توجيه الشكر للفنان مصطفى خاطر، بسبب مساندته له في أزمته الصحية.
وقال سعد فتحي: أنا جت فترة تعبت ودخلت المستشفى قعدت في الرعاية حوالي 15 يوم، النقابة وقفت معايا وعلى رأسهم الدكتور أشرف زكي، وفي فنانين وشباب نجوم طالعة بتوع مسرح مصر ومنهم مصطفى خاطر، لما عرفوا جولي المستشفى وعرضوا حاجات مادية وكنت فرحان أن جيل زي ده وقفوا معايا، هما جيل جميل ومجتش من ناس تانية.
وتابع: المنتجين والمخرجين اللي هما معرفة، محدش سأل وزيي زي أي حد، لكن ربنا بعتلي شباب وعلى رأسهم مصطفى خاطر بالذات.
