الجمعة 24 مايو 2024 الموافق 16 ذو القعدة 1445
رئيس التحرير
حازم عادل
فن وثقافة

منتج مصر وماضي عقد من سنتين.. تامر حسني يرد على انتقادات الجمهور حول حملة شيبسي

الأربعاء 13/مارس/2024 - 07:35 م
تامر حسني
تامر حسني

رد الفنان تامر حسني عبر صفحته الخاصة على موقع فيسبوك، على انتقادات الجمهور، مدافعا عن نفسه من إعلان شركة "شيبسي"، باعتباره أحد المنتجات التي تدخل ضمن المقاطعة تضامنا مع غزة. 

منتج مصر وماضي عقد من سنتين.. تامر حسني يرد على انتقادات الجمهور حول حملة شيبسي

 

 قال تامر حسني في منشور له عبر موقع التواصل الاجتماعي "فيسبوك": "مساء الخير عليكم .. بقالي يومين بتابع اللي بيحصل و احتراماً للجميع.. أنا بوضح حاجه بخصوص إعلان شيبسي الأخير، اولاً ..أنا  على قوة الشركة من سنتين قبل أي إحداث و ده مش أول إعلان ده ثالث إعلان في عقدي، معلش أحياناً الكلام عند بعض الناس  بيبقى سهل و تحديداً لما بيكون بدون علم بالعقود و بحيثيات الموضوع كله".

 

وأضاف تامر: “ثانياً.. انا مضيت على عقد مكتوب فيه أن شيبسي  شركة مصرية،  و لها سجل تجاري ضريبي مصري منفصل، و البند قدامكم أهو لصدق كلامي، ثالثًا.. و الأهم  لأي حد بيشكك في انتمائي للقضية الفلسطينية، هقوله  أنا من 20 سنة و أنا في ضهر القضية و مش كلام و أغاني بس لااااا.. أنا روحت بنفسي معبر رفح أثناء الضرب لمساندة أهالينا هناك بأكبر حملة، معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً.. !!". 

واختتم: "اخيراً..  انا لما قررت أكون الوجه الإعلاني لشيبسى من سنتين، لأنه منتج مصري، كل المصريين بيحبوه و البطاطس من الفلاحة المصرية و بيتباع في مصر بس و اتربينا عليه، و الأهم أن الشخص البسيط يقدر يشتريه في  ظل ظروفنا الاقتصاديه، وأظن ده واضح في الإعلان.. ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع، و للّي مش واصلاله الصورة بكل احترام.. و شكراً لكل اللي ردوا عني  و هما مغمضين حقيقي انتوا نعمة كبيرة من ربنا  ألف شكر و رمضان كريم على الجميع".