المطرب فارس: حميد الشاعري حاجة غريبة.. وبيصنع النجوم لوحده
كشف الفنان فارس، تفاصيل دخوله الوسط الفني، وعلاقته بالفنان حميد الشاعري، مؤكدًا أن الشاعري أو من وضعه على طريق الفن المصري.
وقال فارس، في لقائه تليفزيوني": أنا وحميد الشاعري كنا مقربين جدًا وكنا عايشين مع بعض في بداية حياتنا، وأنا مصري من أم ليبية وهو ليبي من أم مصرية، وهو أخويا مش صديقي بس، وحميد شاطر في كل حاجة وهو من الشخصيات النادرة، ولازم في كل لقاء اتكلم عليه.
وتابع: أنا مكنتش ناوي أغني أوي لأني كنت بدرس هندسة وكنت بلعب جيتار وبغني غربي، وحميد الشاعري شجعني على الغناء ووقف جنبي، وكمان أستاذ طارق عبد الله المنتج، وعملت أول ألبوم ليا اسمه فارس والمزداوية هكتبلك، ومكنش في دماغي أن هحترف كنت بغني كهواية، والألبوم نجح.
وأضاف: حميد الشاعري ده حاجة غريبة، واللي هو بيعمله لوحده اللي بيعمله دلوقتي مؤسسات كبيرة، حميد الشاعري بيصنع نجوم لوحده، وهو وقف جنبي بشكل غريب، واتفق لي على عائد أكثر من اللي هو هياخده.
