فيفي عبده: نفسيتي تعبانة والدكتور قالي اتفرج على حاجات تضحك
أحلت النجمة فيفي عبده مساء اليوم، ضيفة على برنامج "الراديو بيضحك"، الذي يذاع عبر إذاعة 90,90 مع الإعلامية فاطمة مصطفى.
فيفي عبده: نفسيتي تعبانة والدكتور قالي اتفرج على حاجات تضحك
وتحدثت الفنانة فيفي عبده عن مشوارها الفني وأهم المحطات الفنية التي نجحت بها و تركت بصمة فنية في مسيرتها، وقالت: "الدنيا اختفلت كتير عن زمان، أولا مبقاش في حب في الوسط الفني، مبقاش في الحب اللي احنا متعودين عليه، كنا كل أسبوع بنقعد نتجمع عند كل واحد يوم فينا من الفنانين، نتجمع ونقعد مع بعض وبنحب بعض، ويمكن الدنيا اتغيرت لأن ساعتها كنت راقصة بس مكنتش بمثل، بس مازال احنا بنحب بعض جدا، الفنانين القدام يعني".
وأضافت:" اللي حاصل دلوقتي أن كورونا اخدت كتير مننا، وأنا الدكتور قالي اتفرجي على حاجات تضحك من كتر ما نفسيتي تعبانة، وبقيت أجيب الحاجات اللي بتضحك، ومبسوطة جدا من المشاريع اللي معمولة في مصر، وكنت في بلد قريب الدوا هنا بـ 30 ج هناك بـ 600 درهم !، لا أروح أبوس الأرض اللي بنمشي عليها في مصر".
الجدير بالذكر أن آخر أعمال الفنانة فيفي عبد كان مسلسل "شغل في العالي" في رمضان 2022 وشاركها البطولة كل من شيرين رضا ومحمد رضوان وكان من اخراج مرقس عادل وتأليف حسين مصطفى محرم.
