الأربعاء 01 مايو 2024 الموافق 22 شوال 1445
رئيس التحرير
حازم عادل
حوادث

"أوبر كان عايز يخطفنى".. أسرة حبيبة الشماع تكشف تفاصيل محاولة خطفها على يد سائق بالشركة

السبت 24/فبراير/2024 - 04:39 م
الفتاة حبيبة الشماع
الفتاة حبيبة الشماع

كشفت ابنة عم الفتاة حبيبة الشماع تفاصيل ما حدث معها من محاولة خطفها على يد سائق أوبر ، مما جعلها تلقى بنفسها من السيارة.

 

وقالت ابنة عم حبيبة الشماع،"انا بكتب الـ post ده علشان احكي ليكم اللي حصل لبنت عمي علشان اولا عاوزاكم تدعولها ربنا يشفيها و يرجعها لينا بالسلامه حالتها لسه في خطر .. حبيبه فاقده الوعي و عندها نزيف في المخ مش بيوقف و محطوطة علي ventilator .. ثانيا خدو بالكم من نفسكم و من بناتكم الناس بقوا مؤذيين ربنا يبعد عنا شرور الناس .



وقالت،" حبيبة ركبت Uber من مدينتي وكانت رايحه مصر الجديده الساعه 6:50 مامتها كلمتها في التليفون مكنتش سمعاها   كويس علشان صوت الكاسيت كان عالي اوي و الراجل كان بيتخانق فالتليفون حبيبه طلبت منه يوطي الكاسيت قالها لاء وكان بيبرطم بالكلام مامتها مكنتش سامعه هو بيقول أيه قالتلها ماله ده حبيبه قالت لها مش عارفه ماله و قفلت بعدها .. اصحاب حبيبه كلموها يشوفها وصلت فين رد عليهم واحد قال لهم صاحبت التليفون دي وقعت من العربيه قعدت تتشقلب لحد مخبطت في الحاجز الاسمنت اللي على طريق السويس  ولما راح يسالها ايه اللي حصلك قالت Uber كان عاوز يخطفني و جالها  تشنجات و فقدت الوعي .



وتابعت،" انا معرفش حصل ايه يخوفها بالشكل ده ترمي نفسها و العربيه بتجري  بس انا  عارفه كويس ان حبيبه بتخاف علي نفسها و اكيد هو رعبها السواق اختفي بعد وقعت ولا طلب إسعاف ولا وقفلها و قفل موبيل .. انا عاوزه اختي ترجعلنا ادعولنا 


انا عاوزه اجيب حقها ربنا ينتقم منه اشد انتقام".

 

وألقت الأجهزة الأمنية بقسم شرطة الشروق، القبض على سائق أوبر المتهم بمحاولة خطف فتاة تدعى حبيبة الشماع، بطريق السويس، ما تسبب في إصابتها بنزيف داخلي وكسور، ونقلها للمستشفى فاقدة للوعي.

 

وكانت حبيبة تستقل سيارة أوبر بمنطقة التجمع الأول، في طريقها للتجمع الخامس للقاء أصدقائها، لتتفاجأ بتصرفات غريبة من سائق سيارة أوبر، الذي بدأ بتعلية صوت الأغاني بشدة والقيادة بسرعة.

 

حاولت الفتاة التواصل مع والدتها ولكنها لم تسمعها بسبب صوت الأغانى، وانقطع الاتصال، ولم تعرف أسرتها بالواقعة الإ بعد تواصل صديقات حبيبة معها اللاتي تواصلن معها على هاتفها، فرد أحد الأشخاص وأخبرهن أن حبيبة قفزت من السيارة أثناء تحركها، بطريق السويس، بعد تعرضها لمحاولة اختطاف

 

وأصيبت بنزيف داخلي، وعدة كسور وجروح وسحجات نتيجة سقوطها من السيارة، وأنها فاقدة للوعي داخل أحد المستشفيات، وتم عمل محضر بقسم شرطة الشروق بالواقعة،

صورة البوست 
 الفتاة حبيبة الشماع