ريهام سعيد: كلنا بنغلط والفرق بينا وبين بعض هو الستر
قالت الإعلامية ريهام سعيد، «إن كلنا بنغلط والفرق بينا وبين بعض هو الستر، كلنا بنغلط غلطات مختلفة ومتفاوتة في الغلط لكن في النهاية هو غلط.
ريهام سعيد: كلنا بنغلط والفرق بينا وبين بعض هو الستر
وأوضحت الإعلامية ريهام سعيد، «في ناس بتتخيل أن الغيبة والنميمة والتنمر حاجات بسيطة ولكن هي عكس كدا خالص، في حاجات كتير صغيرة ممكن تكون غلط وأنت بتعتبرها صغيرة ولكن هي كبيرة جدا.
وتابعت ريهام سعيد «أن من أوحش الحاجات أن الأنسان يعمل حاجة غلط ويتمادي في الغلط وميعترفش بغلطه دي تعتبر من أكتر الحاجات قاسية علي الشخص أن هو يتمادي في الغلط، وأشارت إلي أن النفس أمارة بالسوء وبتدل الشخص علي فعل الأشياء الغلط والتمادي فيها.
وأشارت الإعلامية ريهام سعيد إلي أن الحرب بين الإنسان وذاته صعبة عندما يقرر إيقاف فعل شيء وخصوصا عندما تكون حالة مرضية «في ناس كتير من وهي صغيرة بتسرق وبتبقي مقتدرة ومعاها فلوس لكن برضوا بتسرق، وتكرار سرقة الأشياء يدل علي أن الشخص مريض ولازم يروح لدكتور نفسي»
