سيد رجب: خايف من الوحدة في المستقبل
عبر الفنان سيد رجب عن خوفه من الوحدة في المستقبل، وذلك خلال لقاء له ببرنامج أسرار النجوم، الذي تقدمه الإعلامية إنجي علي، عبر محطة راديو نجوم إف إم.
سيد رجب: خايف من الوحدة في المستقبل
وقال سيد رجب : أنا مبحبش الوحدة وأنا خايف منها في المستقبل خصوصا لو مقدرتش أمارس الفن فهيبقى مش عندي حاجة في الدنيا ترحمني من الوحدة، وبتمنى أفضل أقدر أقدم فن، وسعادتي بلاقيها في ولادي وفي ولاد ولادي، بنتي عندها ولد وبنت جمال خالص وبموت فيهم ودا جزء كبير من سعادتي وبفرح لما بلاقي الموبيل بيرن والاقي هنا بتكلمني وبتقولي هاجى اقعد معاك شوية يا جدو ودي حاجة بالدنيا.
وأضاف سيد رجب: وبخاف من أني أفرض نفسي على مكان أو واقع أو ناس فيكون شوية بعيد ولكن أنا بشكل شخصي مش منغلق ولكن مش بجتهد أني أروح لناس واعرف ناس
سيد رجب يشارك في فيلم مقسوم بطولة كلا من ليلى علوي، سماء إبراهيم، شيرين رضا، سارة عبد الرحمن، عمرو وهبة، وغيرهم، والفيلم من تأليف هيثم دبور، وإخراج كوثر يونس.
