مصطفى جاد: "فريق عمل محترف يدير شغل زوجتي كارمن"

شارك الملحن مصطفى جاد، زوج المطربة كارمن سليمان، جمهوره بمنشور عبر صفحته الشخصية بموقع التواصل الاجتماعي " فيس بوك".

وقال مصطفي جاد معلقًا: " كارمن مراتي وحبيبتي وأم ابني آه بس كفنانة كارمن ليها فريق عمل محترف جد، بيدير شغلها باستراتيجية مخططة من قبل كارمن الفنانة الكبيرة الذكية الواعية المتأنية واللي فاهمه كويس قوي هى عايزه تعمل إيه".

وتابع: " كارمن أو كوكي بتختار لنفسها الأغاني بوعي ومعلمة سابقة سنها بكتير وكمان بتختار توقيتات وأماكن ظهورها بتأني واحترام ليا و لنفسها ولجمهورها الكبير، وليا دور ودور مهم وكبير في شغلها بس من واقع إني ملحن ومنتج ليه تجربته الخاصة ودوري الأكبر استشارة وتوعية لظروف السوق ومتطلباته بحكم احتكاكي بأكبر الصناع في الوطن العربي والعالم كله".

وأنهي مصطفي جاد كلامه: " شايفين كل الكلام اللي فات ده هى كمان ليها وهيبقالها نفس الدور معايا في أغانيا الجديدة اللي هتنزل بصوتي وهتشوفوا أولها قريب قوي بلون وطعم مختلفين تمامًا عن كل اللي سمعتوه ليا قبل كده.. شكرًا".