إيه القرف ده.. سيدة تعثر على قطع "عفن" داخل علبة عصير جهينة
حذرت سيدة من منتجات عصائر جهينة بعد عثورها على "عفن" داخل إحدى منتجات عصائر الشركة.
وعرضت السيدة مشكلتها عبر السوشيال ميديا قائلة" ممكن حد يفهمنى ايه القرف اللى لقيته فعلبة العصير دة ومحدش يدافع ويقول سوء تخزين لانى جايباه من مكان مضمون جدا وللعلم انا هحتفظ بالعلبة وهكلم حماية المستهلك".
وكان مواطن قد حذر منذ أشهر قليلة من شراء منتجات شركة جهينة، بعد عثوره على عفن داخل إحدى منتجات الشركة.
وقال صاحب الواقعة عبر السوشيال ميديا، "اشتريت علبة عصير من جهينه من يومين وشربت منها وسبتها ف التلاجه وابني طلب يشرب النهارده وانا بصب ف الكوبايه نزل حاجات لونها اسود زي الصوره قصيت العلبه واتفاجأت من المنظر زي ماواضح العصير كله عفن اسود ومترسب كمان ف العلبه حسبي الله ونعم الوكيل ف انعدام الضمير انا كان ممكن ابني يشرب من العلبة".
وتابع ـ" على طول ويحصله حاجه انا شربت منها امبارح ع طول من غير مااصب ف كوباية وربنا سترها معايا معرفش لو ابني او طفل تاني كان ممكن يحصله ايه فين الرقابه من ده كله شركة كبيره زي جهينه تكون بالجوده دي !!".
