الفستان مفتوح لحد اللوز.. عمرو عبد العزيز ينتقد فنانة بسبب فستانها
وجه الفنان عمرو عبد العزيز، رسالة لإحدى الفنانات دون ذكر إسمها، منتقدًا طريقة لبسها المبالغ فيه، واستغلاله في الشهرة.
وكتب عمرو عبد العزيز، عبر حسابه الشخصي على موقع التواصل الاجتماعي "فيسبوك" علق قائلا:" نصيحة أخوية، يا حبيبة قلبي والله العظيم شغلك هو اللي بيتكلم عنك مش فستانك المفتوح لحد لوزك، للأسف أنتي فاكرة أنك كده جامدة خالص والله العظيم هما لو اتكلموا هيتكلموا عن فستانك الأوفر مش عليكي".
وأضاف:" الدليل أن أكبر نجمات مصر زي منى زكي وياسمين عبد العزيز وهبة مجدي وغيرهم كتير بيروحوا بفستانين سواريه حلوة وشيك ومقفوله عااادي جدا".
تابع:" بس أنتي بعد ما تقفي ع الريد كاربت وتتصورى بكذا شكل ومن كل الزوايا عشان تستعرضي الفستان العريان قوى الأوفر قوى ويصوروكي عشان يتكلموا بعد كده مش بيقولوا مين الفنانة دي..لا بيقولوا مين الرخيصة دي".
واختتم:" نصيحة أخوية، لما تروحى مهرجان وانتي مش معروفه أصلا لو اهتميتي بشغلك ربع ما بتهتمي بفستانك الأوفر صدقينى هتوصلى وهيتكلموا عنك بشياكة".
