"حقنة بوتكس" فى عيادة شهير بمصر الجديدة تصيب عين سيدة بالحساسية
حذرت فتاة من التعامل مع عيادة حياة كلينك، بعد إصابة خالتها فيها نتيجة تعرضها لحقنة بوتكس أصابتها بحساسية .
وقالت صاحبة المشكلة على مواقع التواصل الاجتماعى قائلة ،" مساء الخير انا ماليش اي مصلحة ان اعمل بوست زي دا ابدا و لا عمري عملت بوست زيه قبل كدا انا بحذركم من العيادات الي بتشوفوا اعلانتها علي الفيس البوك ارجوكم ماحدش يروح لاي عيادة جلدية غير ما تكونوا واثقين فيهم ثقة كاملة الصورة دي صورة خالتو بعد مااقنعوها في العيادة اسمها
Hayah Clinic - حياه كلينك
Hayah Clinic - حياه كلينك عنوانها ٥٣ شارع عبد العزيز فهمي ميدان هليوبوليس مصر الجديدة اقنعوها انها تعمل بوتكس في الجبهه دكتورة الي اكيد اصلا مش دكتورة اسمها ماريان و زوجها اسمها مينا و غالبا هوه صاحب العيادة برغم ان هيه قالتلهم ان هيه عندها حساسية من البوتكس و حصلها قبل كدا في نفس العيادة تورمات زي صورتها الي في البوست بس الدكتورة اقنعتها ان ماتخفش و انكمش عندك حساسية و لا حاجة و مش هيحصل حاجة مع انها نفس الدكتورة الي حقنتها قبل كدا و شافت بنفسها الحساسية الي جاتلها".
وتابعت،"اقنعتها بكل الطرق ان لا ماتخفيش مش هيحصلك حاجة و دا نوع مختلف و اي كلام علشان تحقن و ياخدوا فلوس و علشان الزن علي الودان امر من السحر للاسف سمعت كلمها علي اساس انها دكتورة و المفروض فاهمة و عارفة هيه بتعمل ايه و ادي النتيجة فيالصورة انا اول مرة سكت و قولت حالة عارضة و مكنوش يعرفوا انها عندها حساسية لكن لتاني مرة بعد إلحاح و اقناع منهم من نفس الدكتورة لاالعيادة دي لازم تتحاسب و مش هسكت علشان دا ميحصلش مع حد تاني يا ري تساعدوا و لو في اجراء تاني اعمله يا ريت تقولوه لوسمحتم علشان تتقفل العيادة دي و متأذيش حد تاني
وقالت ،"البوست معمول للتحذير من المكان ان محدش يتعامل معاهم تاني لانهم مش بيشغلوا دكاترة بتفهم ..كان ممكن مكتبش البوست و الي حصل يتكرر مع حد غيرنا بس انا استحرمت إن الكلينك تفضل تأذي الناس "
