رضوى الشربيني تدعم هند صبري بعد إعلان إستقالتها من برنامج الغذاء العالمي

دعمت الإعلامية رضوى الشربيني، الفنانة هند صبري بعد إعلان استقالتها من برنامج الأغذية العالمي بسبب دعمه لجيش الاحتلال الإسرائيلي.

قالت رضوى الشربيني، خلال برنامج الشهير “هي وبس”، والمذاع على قناة cbc سفرة:" في خلال المشوار الطويل طوال الـ 47 يوم لو أنا عديتهم صح، كل واحد فينا كان له موقف مختلف عن الآخر، وكل واحد لينا كان له طريقة في التعبير والاعتراض، حد كان بيكتب منشور حد كان بيتكلم حد كان بيقطع صور معينة على الهواء، كل واحد كان بيشجوا بطريقة صعبة وقوية، وفيه ناس عملت أكتر من كده بشوية ومنهم الفنانة هند صبري اللي قررت التنحي عن دورها كسفيرة للنوايا الحسنة لبرنامج الأغذية العالمي".

وأضافت رضوى الشربيني:" موقفها موقف محترم وقوي جدًا وشجاع من ست قوية وشجاعة، هند كانت كتبت من أسبوعين كلمتين اتفهموا غلط والناس هاجمتها، والحقيقة أنها كان قصدها حماية المدنيين في غزة، لكن تم فهم المنشور بشكل خاطئ وقالوا عليها كلام غير لائق بالمرة وهند سكتت ومعلقتش كعادتها".

تابعت:" استقالت من منصبها ومش كتير بيعملوا كده وبياخدوا الموقف الحاسم الواضح أمام الناس كلها، برافو هند ونتمنى من كل الناس اللي عندها صوت عالي وشهرة وقوة الكلمة أنها تاخد نفس الطريق ده، الكلمة هتشكل ضغط والضغط ممكن يغير واقع".