أحمد العوضي عن الخلافات بعد الانفصال : دي مش أصول

حل الليلة الفنان أحمد العوضي ضيفا ببرنامج حبر سري مع الإعلامية أسما إبراهيم والذي يعرض على قناة القاهرة والناس، حيث كشف أحمد العوضي العديد من التفاصيل في حياته المهنية والشخصية . 

تصريحات أحمد العوضي في حبر سري 

كشف الفنان أحمد العوضي عن رأيه في حدوث الخلافات والمشاكل بعد الانفصال بين الزوجين وعلق قائلا " دي مش أصول لأن البيوت قبور لا يعرف ما بداخلها سوى قاطنيها، أنا النهاردة بابي اتقفل عليا طلعت برة محدش يعرف إيه اللي بيحصل جوة " . 

وأضاف " أنت طلقت أنا كعوضي مش عايز أعرف أنت طلقت ليه، لكن أنت النهاردة تطلع وتشتم ده مش أصول بصراحة، لأن الأصول المفروض تحركنا " . 

وتابع " تريند إيه في إن أنا أفضح بيتي لأن دي المفروض أصول وخطوط حمرا، ويعني هو أنا هلعب ببيتي البخت علشان التريند، يعني أنا هلعب بسمعة ناس سمعة مراتي وسمعتي يعني ده كلام " . 

وصرح " الراجل هيبة والست احترام وقسما بالله لو ده راح من هنا وده راح من هنا كدة يبقى مفيش بني آدم هتبقى خيال مآتة، والست أنا بقيمها من احترامها لنفسها والراجل بهيبته، يعني زمان أبويا يبقى متخانق مع أمي معرفش هما متخانقين ليه دي حاجة أنا متربي عليها من وأنا صغير " . 

وأكد النجم أحمد العوضي في تصريحات مسبقة، أن ياسمين عبد العزيز تتفوق عليه حال منافستهم في السينما، قائلا: "لو نزلت بفيلم أمام ياسمين هي اللي هتعمل أكبر ايرادات وأنا ابقى عايزها تعمل الايرادات أعلى مني وأعلى من أي حد وهي تعمل إيرادات كتير دي ياسمين عبد العزيز".

وأوضح أحمد العوضي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن زوجته النجمة ياسمين تقدم أفلام كوميدي بينما هو حال تقديمه أفلام ستكون أكشن، مضيفا: ياسمين تعمل كوميدي وأنا اعمل اكشن وهي تعمل ايرادات أدي 40 مرة وهبقى سعيد جدا لها".

وتابع: "شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح، واتمنى كل النجوم تعمل افلام ومسلسلات والمهم اطلع من الموسم ناجح وعملت الدور بشكل جيد".