أحمد فلوكس يوجه رسالة لجمهوره عن العمل والنجاح

نشر الفنان أحمد فلوكس صورة على موقع التوال الاجتماعي "انستجرام" يصف فيها كم العمل مهمه بالنسبه له حتى قبل بدايته في مشوار التمثيل.

وقال احمد فلوكس: " العمل، طول عمري بحب الشغل جدا، بحبه لدرجه ان تعبه بالنسبالي مكنتش بحسه، ومش العمل كعمل لا العمل باخلاص و النجاح علي مدار 20 سنه اشتغلت اكتر من شغلانه قبل التمثيل ثم التمثيل عمري ماحسيت ابدا بتعب الشغل و خصوصا ان ربنا دايما كان ينعم عليا دايما بالنجاح، روحي كانت بترجع و بتبقي موجوده طول مانا بشتغل،  وسعادتي اللي كانت شبه سعاده الطفل بالصيف بتبقي سعاده و انا شايف نجاح اللي شاركت فيه، عمر ما كان الماديات بحس بيها او بوجودها او عدمه لان دايما كان تركيزي في دايره الشغل و النجاح و كان اقصي طموحي بره شغلي اركب عربيه حلوه غير كده كل تفكيري في شغلي، لما شويه اتغير الحال و الشغل قل شويه شويه بقيت احس ان في حاجه ناقصه في روحي وحياتي و ابتديت مكنش انا لدرجه ان مره حد قالي سافر شوف الدنيا، استغربت ازاي معنديش اي افكار للحياه وكان الرد ان الحياه بالنسبالي هي شغل ونجاح وعلشان كده اتجهت للتجاره و الشغل في اي حاجه و اتعلمت و لسه بتعلم".

وتابع فلوكس: " الشغل ليس وسيله للفلوس بالنسبالي ولا وسيله للشهره ولا وسيله للنجوميه، الشغل والنجاح بالنسبالي هم الحياه من غيرهم بكون شخص معرفوش و مش عارف الدنيا دي كم اعشق عملي و شغلي و نجاحي كم اعشق حياتي".

ويقوم أحمد فلوكس حاليا بتصوير مسلسله الجديد "سفينة نوح" ويتعاون فيه مع الفنان الأردني منذر رياحنة ،ومن المقرر عرض العمل بداية العام الجديد 2021. 

"سفينة نوح"من تأليف محمد الشواف، وإخراج حسام الجوهري، وكان أخر أعمال "فلوكس" فيلم "الممر"، وهي من بطولة أحمد عز، أحمد رزق، إياد نصار، محمد فراج، أحمد صلاح حسني، محمد الشرنوبي، محمد جمعة، محمود حافظ، أمير صلاح الدين، أسماء أبو اليزيد.