محمد رمضان للشعب المغربي: أنا مش مسؤول

نشر الفنان محمد رمضان مقطع فيديو عبر خاصية ستوري على صفحته الرسمية عبر موقع تبادل الصور والفيديوهات " إنستجرام " كاشفا عن عدم مسؤوليته عن عدم ظهور علم المغرب ضمن الخريطة الأفريقية التي ظهرت خلال حفله الأخير 

محمد رمضان يوجه رسالة للشعب المغربي 

علق محمد رمضان قائلا " جمهوري المغربي الغالي .. أنا غير مسؤول على الـ Visual الموجود في الستيدج .. ف الخريطة أنا شوفتها زيكم وأنا بتفرج على فيديوهات الحفل .. ولكن المغرب يعلم أنتم في قلبي، ويعرف معزته عندي قد إيه .. وكلنا كوطن عربي وكلنا كقارة إفريقية معزة واحدة وعلى قلب رجل واحد .. وربنا يديم المحبة بيننا " . 

حرص الفنان محمد رمضان على توجيه رسالة إلى الجمهور بعد أزمة بيومى فؤاد ومحمد سلام الأخيرة.

ونشر محمد رمضان فيديو على صفحته الرسمية عبر موقع تبادل الصور والفيديوهات " إنستجرام “ ،”رسالتي لكل جمهوري العربي، رأس مال أي فنان وأي نجم في الدنيا هو الناس اللي هما حضراتكم " . 

وتابع " بنطلب من كل حبايبنا ومن أمي ومن أبويا إنهم يدعوا إن ربنا يحبب فيا الناس ويحبب فيا الجمهور اللي هو حضراتكم، ف شئ قاسي جدا إن أكتر حد عايز تسعده وعايز تبسطه وتنال رضاه، وهو يكون قاسي عليك بالكلام " . 

وأضاف " كلامي عن زمايلي وإخواتي وحبايبي، وأنا بتشرف بزمالتهم الاتنين محمد سلام وبيومي فؤاد لا محمد سلام غلط ولا بيومي فؤاد غلط، وحتى لو فيه ذلة لسان حصلت، احنا بنقول اللهم لا تؤاخذنا إن نسينا أو اخطأنا حتى لو غلطنا واحنا بنصلي ربنا بيسامحنا " . 

واختتم " عملوا إيه الاتنين علشان نكون قاسيين سواء على سلام أو على بيومي فؤاد، إيه اللي عملوه، الأخبار اللي بسمعها اللي إن شاء الله تبقى كلها إشاعات إ سلام مثلا مش هيشتغل ولا حد هيسمح بده لا احنا كفنانين هنسمح بده ولا الجمهور هيسمح بده اللي هو في ضهر أي فنان بيحبه وبيسانده وبيدعمه، ولا احنا مع اللي بيحصل في بيومي إنه يقفل الكومنتس علشان ميشوفش كلام وحش "

أخر أعمال محمد رمضان 
 

قدم محمد رمضان فيلم “ ع الزيرو ” الذي عرض في موسم الصيف، و يشاركه البطولة كل من نيللي كريم و الطفل منذر مهران و جومانا مراد و إسلام إبراهيم و محمد لطفي، و يعد الفيلم من تأليف مدحت العدل، و إخراج ماندو العدل .

فيلم ع الزيرو 
 

تدور أحداث الفيلم حول أب يسعى لعلاج ابنه المريض بالسرطان و لكن حالته المادية متعثرة، فيلجأ إلى الدخول في عالم تجارة الأعضاء البشرية لإنقاذ حياة ابنه .