سارة التونسي ترد على تصريحات جمال العدل بعد هجومه عليها

علقت الفنانة التونسية سارة التونسية على تصريحات المنتج جمال العدل وذلك بعد ظهوره ببرنامج " حبر سري " مع الإعلامية أسما إبراهيم والذي يعرض على قناة " القاهرة والناس" ، وهجومه عليها بأنها كانت تفتعل المشاكل أثناء تصوير مسلسل " حرب أهلية "  والذي كان من بطولة الفنانة يسرا والذي عرض في السباق الرمضاني عام 2021 . 

سارة التونسي ترد على تصريحات جمال العدل 

كتبت سارة التونسي منشور على صفحتها الرسمية عبر موقع التواصل الاجتماعي فيسبوك وعلقت قائلة: " أستاذ جمال العدل .. أنا مكنتش متخيلة إني مضايقة حضرتك اوي كدة.. خصوصا بعد ما أنا كسبت القضية ضد شركة العدل جروب،  وحضرتك خسرت قضيتك ضدي، بس يااه أنت لسه فاكر ؟، ده عدى على الموضوع أكتر من سنتين وأنا والله نسيت الموضوع ( بس دي والله بجد مش زي بتاعتك) ". 

وأضافت: " واشتغلت في بلدي وكسرت الدنيا ولو عايزة أشتغل في مصر هشتغل، أصل مصر دي كبيرة اوي يعني أكبر من حضرتك ومن أي حد ولا إيه يا أستاذ جمال، مش أنت اسمك كدة برضه، والله عيب على سنك وتاريخك كمية الكذب اللي أنت كتذبها بخصوصي في اللقاء ده ( بس مش تاريخك كله يعني ) ".

وتابعت: " وكمان حركة إنك نسيت الاسم دي تقلل منك مش مني، بلاش أقولك شكلك كان عامل إزاي وأنت بتحلف إنك نسيت الاسم .. عملتها قبل كدة في إعلام بلدي تونس واترد عليك رد عظيم من المذيعة التونسية اللي كانت بتحاور حضرتك، وعلى فكرة أنا مطلعتش برة مصر، أنا عندي بيت في مصربزوره كل شهر تقريبا وبختار أشتغل إيه ومشتغلش إيه وأنا اختارت أركز في تونس وعملت بطولة مسلسل تونسي كسر الدنيا السنة اللي فاتت والإعلام العربي كله اتكلم عنه " . 

واختتمت: " ويمكن علشان كدة حضرتك افتكرتني تاني فجأة ( ده لو كنت أصلا عرفت تنسى الدرس )، وإن شاء الله هيكسر الدنيا في الجزء التاني السنة دي " .