عمرو أديب عن دعوات المقاطعة: افهموا انتوا بتعملوا إيه
علق الإعلامى عمرو أديب على دعوات المقاطعة ، قائلا" مين هيأكل الناس دى مين هيقف جنبهم .. اللى هيترفد هيروح فين .. هى فى صناعة بتزدهر فى يومين.. فى مئات الآلآف بتشتغل فى الشركات المصرية".
وتابع عمرو أديب خلال برنامجه “ الحكاية”،" أسهم الشركات بره مرتفعة سواء ماكدونالدز أو ستاربكس يعنى متأثرتش بالمقاطعة.. مين هيقف بقا جنب المصريين هنا.. الشركات اللى بتشتغل هنا مش هتدفع ضرائب لأنها ما اشتغلتش.. طيب ما البنزين اللى عاملين عليه مناحة النهاردة 20% منه أمريكانى وأوروبى احنا بنستورد البنزين بتاعنا محدش ليه بيقاطعه".
وقال “ الاقتصاد دائرة.. كل اللى بتشوفه فى تلاجة ستاربكس بتعمله شركة مصرية معروفة.. فى شركة مصرية 100% هى اللى بتعمل الحاجات دى”.
ووجه رسالة للمواطنين قائلا" افهموا انتوا بتعملوا ايه .. هل ناويين تعوضوا الشركات والمصانع اللى بتقفل.. لو عايزين تقاطعوا بجد قولتلكم قاطعوا الناس اللى بترفع الأسعار".
