محمد نجاتي: لن أرضى لـ بناتي يجيبوا فلوس من تيك توك

قال الفنان محمد نجاتي، إن العصر الحالي عصر التريندات وليس التاريخ الفني. 

 وتابع خلال استضافته في برنامج "free time"، على  شاشة “هي”:  تريند منة عرفة خلاني أعمل اطلع في برامج كتير واستغربت لان بيكون في أعمال فنية كتير عملتها ماخدتش نفس الصدى.

إحنا في عصر التريندات مش الأعمال الفنية

وصرح: احنا في عصر التريندات مش الأعمال الفنية، والتريند الايجابي هو اللي بيستمر زي مثلا جايزة أحسن ممثل عالمي في فيلم عرق البلح، مكانش في وقتها سوشيال ميديا تظهر دوري.

وعن رأيه في اشتراك الفنانين في "تيك توك" بهدف الأموال قال: أرفض إن بناتي تعمل فيديوهات بهدف كسب دولارات، لأنه مكسب مفيهوش محتوى، ما أحبش أعمله لا أنا ولا بناتي.

كما كشف عن طريقة دعمه للقضية الفلسطينة، موضحا: البوست والشير والمظاهرات مهم جدا لكن مالوش نتيجة، أنا سلاحي غير، وحل القضية أولا في إيد ربنا ونتوجه وندعي ومن خلال شغلي اللي هو سلاح من أسلحتي أقدر أوصل صوتي للعالم.