سلوى عثمان لـ"مصر تايمز": ضروري أن نقدم عمل درامي عن القضية الفلسطينية
تحدثت الفنانة سلوى عثمان عن القضية الفلسطينية والأحداث الأخيرة بفلسطين وعن إمكانية تقديم القضية الفلسطينية بالسينما المصرية ورأيها في الانتقادات الموجهة لمحمد صلاح.
سلوى عثمان تكشف عن رأيها في تقديم القضية الفلسطينية بالسينما المصرية
ترى الفنانة سلوى عثمان في تصريحات خاصة لـ “مصر تايمز” أنه من الممكن تقديم عمل درامي حول القضية الفلسطينية وسيكون عملا كبيرا داعما للمدنيين الذين يقعون تحت القصف.
وردا على سؤال حول إمكانية تنفيذ مثل هذا العمل قالت سلوى عثمان: “ طبعا ممكن ليه لا، دي ممكن تبقى حاجة مهمة للقضية الفلسطينية إنه يبقى فيه فيلم أو عمل يتكلم عن القضية ”
وحول إمكانية تنفيذ العمل في وقت قري أو وجود عقبات أمام تنفذه صرحت عثمان أن “ اللي بيبقى عايز يعمل حاجة بيشوف إيه اللي يقدر يعمله و إيه الجهات اللي يقدر يسألها، و ممكن ميبقاش في نفس الوقت اللي احنا فيه على طول، و إن فيما بعد ممكن يبقى فيه إمكانيات و ممكن يبقى فيه ترتيب ليها بحيث يعرفوا إزاي يعملوها و يحصل إمكانيات إنها تتعمل ”
وفي سياق الحديث عن الأعمال التي قدمت القضية الفلسطينية ومدى تعمقها في تقديم القضية ترى عثمان أن “ فيلم ولاد العم الفيلم بيتكلم من قلب إسرائيل إيه اللي بيحصل فيها و إن كان فيه حد موجود في مصر و اتضح إنه كان يهودي و مكانش حد عارف و خد ولاده و مراته، ففيلم ولاد العم كان مدي مساحة ” .
تؤكد عثمان أن المعاناة التي يعانيها الشعب الفلسطيني قد تكون مفتاح لإبداع جديد وزاوية درامية أخرى يمكن تقديمها بشأن الزمة في غزة:“ كل مدى فيه حاجات بتجد و حاجات بتحصل و كل ما يبقى فيه أحداث أكتر كل ما هتقدر يبقى عندك فرصة إنك تعمل فيلم شامل كل الأحداث اللي بتبقى بتجد على الموضوع، و بالوقت ممكن يبقى فيه عمق أكتر لطرح القضية الفلسطينية ” .
وأشارت إلى أنها ستبادر إلى استعدادها لتقديم أي دور في أي عمل متكامل يدعم القضية الفلسطيني: "لو اتعرض عليا حاجة بتتكلم عن القضية الفلسطينية أكيد هقدم عمل عنها، لو جالي مثلا دور في فيلم معمول بشكل كامل من كل الجوانب كتابة و إخراج و كل حاجة تبقى متوفرة و موجودة بشكل كويس أكيد طبعا هشترك ” .
وأشادت بالوقفات الاحتجاجية للتضامن مع فلسطين مؤكدة أن الفنانين هم القوة الناعمة وأن عليهم دورا في دعم القضية وأن غيرهم أكيد يحاول بشكل أو بآخر، وأن على الجميع أن يقدم ما يقدر عليه.
وعلقت على الانتقادات الموجهة لمحمد صلاح “ كل واحد مسؤول عن نفسه و مسؤول عن رأيه و مسؤول عن امتى يقول و امتى ميقولش، و إن الناس كل ما بتحب حد و متعشمين فيه ممكن يكونوا بينبهوه لحاجة ممكن إنه يعملها ”
