حنان مطاوع: سيناء مش حل مطروح دفعنا فيها آلاف الشهداء ومستعدين ندفع تاني
وجهت الفنانة حنان مطاوع رسالة لجهورها طالبتهم فيها بالمشاركة في الوقفات الاحتجاجية ضد أفعال الاحتلال في فلسطين ولرفض فكرة تهجير أهالي غزة إلى سيناء.
وظهرت حنان مطاوع في فيديو عبر حسابها على انستجرام، وقالت فيه: “من ساعة ما صحينا على اللي بيحصل مع أطفالنا وأهلينا في غزة وأنا مش عارفة أقول إيه المصاب جلل وبيصغر قدامه أي منطق وبيعجز العقل أنه يحلل اللي بيحصل ده لأنه برا حدود الإنسانية والرحمة”.
تابعت حنان مطاوع: هتسألني كلام زي ده أو وقفة نقفها ممكن تغير أي حاجة، هرجع أقولك أه لأن العدو مش بس بيحاول يبيد شعب لن يباد أبدا بأمر الله وبإرادته الحرة الباسلة القوية، لأ دا كمان ابتدى يقرب على حدودنا ابتدى يتكلم عن سيناء ... تاني رجع يتكلم عن سيناء".
أضافت: "سيناء مش حل مطروح، سيناء مش مجرد أرض مصرية سيناء دفعنا فيها آلاف الشهداء علشان تنال حريتها ومستعدين ندفع أكتر كمان، سيناء الحلم التاريخي السخيف المجنون للعدو، عشان كده محتاجين كلنا نتضامن ونظهر للعالم كله إننا رافضين الأفعال الوحشية اللي بيقوم بيها إسرائيل ضد فلسطين الحبيبة الباسلة وكمان إننا نقول لهم أننا اخترنا الكرامة والسيادة الكاملة على أراضينا".
