سلموا بنته لواحد تانى.. ولى أمر يكشف واقعة إهمال داخل مدرسة شهيرة
كشف ولى أمر طالبة داخل مدرسة شهيرة واقعة إهمال تعرضت لها ابنته بعد تسليمها لشخص آخر غير والدها أو والدتها.
وقال ولى الأمر مستعرضا مشكلته عبر السوشيال ميديا ،" مدرسة ابو بكر الصديق الرسمية للغات انا عاوز اعرف ازااااااااي حد تاني ياخد بنتي من الفصل غير مامتها وباباها بحجة أن المدرسة فيها تطعيمات والمدرسه مشغوله عن تسليم الاطفال لأولياء أمورهم ومخلية والدت طفله مش في نفس الفصل اساسا هي الي تسلم الاطفال لاي حد يخش يقول اي اسم ياخد الطفله ويمشي..انا لو كانت مراتي اتاخرت دقيقة عارفين كان ايه الي ممكن يحصل كان السواق التاني اخد البنت ومشي وهو ولا فاكر اساسا شكل الطفله الي بيوصلها كل يوم".
وتابع ولى الأمر ،"القصه كلها مدرسة أبو بكر الصديق الرسميه للغات إدارة جنوب الجيزة مفاد الشكوي تسيب وإهمال من إدارة المدرسة أنهم سلموا بنتي لشخص آخر غير ولي أمرها أو مامتها زوجتي راحت تاخد البنت من مرحلة kg1 لقيت راجل غريب واخد البنت في أيده وماشي لسه هيخرج من المدرسه بتقوله انت واخد البنت ورايح فين دي بنتي بيقولوا لا مش بنتك صوتت ولمة الدنيا عليه وهما طبعا في المدرسه لموا الموقف خوفا علي سمعتهم وشكلهم والفكرة أن الي سلمه الطفله وليه أمر مش من الفصل اساسا واقفه مع المدرسه علشان كان في تطعيمات في المدرسة".
وقال،" وازاي التطعيمات تفضل لحد معاد المرواح والمدرسة مش بنفسها الي تسلم الاطفال لأولياء أمورهم انا مراتي لو كانت اتأخرت دقيقه واحده كانت البنت اتخطفت والباشا الي كان معاه البنت سواق ولي أمر بنت اسمها رؤي لما دخل بيقولهم عاوز رؤي سمعوها رقية وادوله بنتي انا مش هسكت وهوصل المهزلة دي لاعلي حد في مصر لاني بعد ابويا وامي معنديش اغلي من أهل بيتي كلهم وعيالهم".
