بعد صفعها لميدو عادل.. لقاء سويدان: البرامج بتهاجمني علشان رفضت الكلام بالموضوع ده

علقت الفنانة لقاء سويدان، تعرضها للسب والهجوم العنيف من أحد البرامج التلفزيونية، لرفضها الحديث عن أزمتها الأخيرة مع الفنان ميدو عادل بعد صفعها له في كواليس مسرحية “سيد درويش”.

بعد صفعها لميدو عادل.. لقاء سويدان:"البرامج بتهاجمني علشان رفضت الكلام بالموضوع ده 

قالت لقاء سويدان، عبر حسابها الشخصي بموقع تبادل الصور والفيديوهات القصيرة “انستجرام”:" مش عايزة أطلع أرد، رغم أني بتهاجم في البرامج، بيتصلوا بيا يقولولي ردي فارفض وأتشتم، حتى لو في خلاف بيني وبين زميل، مش هطلع أشتمه في برنامج دي مش أخلاقي، بيشتموني في البرامج بس عادي ياما ناس أهم وأكبر مني واتشتموا، الموضوع مع جهات تحقيق".

وتابعت:" أنا قدمت شكوى في ميدو عادل من أغسطس الماضي، مش عشان في تجاوزات في حقي، لأ دي تجاوزات كتير، أنا واحدة كبيرة وعندي 49 سنة، اشتغلت مع أحمد زكي وسعاد حسني، ورغم أن سني كبير لكن مبسوطة أن ربنا مديني صحة وشكل مناسب مع سني".

وأضافت:" فإنكم تخوضوا في عرضي دي مش أخلاق، لما تخوضوا في عرضي وفي حياتي الشخصية، أسهل حاجة إن الواحد يجيب لجان الكترونية وترد وتهاجم، أنا مبيفرقش معايا الناس المزيفة، مبيفرقش معايا غير الجمهور الحقيق اللي بيحبني وأصحابي اللي واقفين جمبي".

و كانت لقاء سويدان قد قالت فى تصريحات خاصة لـ “ مصر تايمز”:" الموضوع بقي فى يد السلطات المختصة، واحنا موظفين دولة، ويوجد جهات التحقيق .. ومقدرش اتكلم فى الواقعة لحد انتهاء التحقيقات".

وعلقت لقاء سويدان، على كلام المؤلف السيد إبراهيم مؤلف مسرحية “سيد درويش” بأنها مبيته النية قبلها قائلة:" كلامه لا يعنى بالنسبة لى شئ وأنا لو اتكلمت هشهره وهو لم يحضر الواقعة اصلا، كان يجلس تحت ويشاهد المسرحية".