أوس أوس: "سفاح الجيزة" جنن أحمد فهمي
الخميس 21/سبتمبر/2023 - 10:29 م
قال الفنان محمد أسامة أوس أوس إنه لاحظ مع فريق عمل فيلم "مستر إكس" أثناء التصوير تأثير شخصية السفاح على الفنان أحمد فهمي، الذي كان منشغلا بتصوير العملين في نفس الوقت.
وأضاف خلال لقائه مع الإعلامية فاطمة مصطفى ببرنامج "الراديو بيضحك" المذاع عبر الراديو 9090: "أحمد فهمي مش بيحكي كتير هو كان بيصور مشهد إيه، وتحول لبني آدم غريب، كنا أنا وهو ومصطفى خاطر بالليل نقعد نلعب كوتشينة وهو شكله غريب جدا، ومدير أعماله يسألنا عنه ويقول إنهم منتظرينه عند الدكتور النفساني، وكلنا مش عارفين إنه للدور".
أوضح أوس أوس أنه فوجئ بأداء أحمد فهمي في "سفاح الجيزة" قائلا: "لما اتفرجت على المسلسل لقيت فهمي مختلف جدا والعمل مختلف، وفهمي كان عايز يعمل حاجة جادة مفيش فيها كوميديا، والسفاح ساعده يطلع الجانب ده عنده".
