عمرو أديب يدعو الدولة للتقشف: مصر عندها جمعية لازم تدفعها كل شهر

قال الإعلامى عمرو أديب أن الحد الدنى للأجور بعد قرارات الرئيس عبد الفتاح السيسي أصبح 4000 جنيه مما يعنى 100 دولار ، موضحا أن الأسعار تتزايد بشكل غير مبرر.

وتابع فى برنامجه “الحكاية” ،" الشعب المصرى شعب صبور لأن الأوضاع مالهاش حل .. والموضوع لسه مطول شوية وفى حاجات كتيرة لازم تتغير فى الداخل والخارج".

واستطرد ،" الدولة بتحاول تحافظ على سمعتها المالية فى الأسواق العالمية .. مصر عندها جمعية لازم تدفعها كل شهر من هنا لـ 4 سنين قدام".

 وقال" لازم تعرف مصر بتصرف منين .. صندوق النقد هيدينا الدين بس عايز حاجات .. وما يحدث الان هو محاولة لدعم ومساندة الناس ولكنه أمر غير كافى"، وعن أزمة الكهرباء قال “ الرئيس كان واضح ان احنا معندناش الطاقة اللى تشغل المحطات دى.

وتابع عمرو أديب" لازم نتذكر الطبقة الوسطى اللى هى أكثر ألما .. ولابد أن يكون لدينا كيفية عن التصدى للأزمة"، متابعا “ فى أوقات الأزمات يحتاج الوطن إلى كل عقل وكل فكر.. مصر مليانة عقول هامة داخل مصر وخارجها وآن الأوان أن نضع جميع العقليات التى ترغب فى مساعدة وطنهم ونسمع لهم”.

ودعا عمرو أديب إلى التقشف قائلا “البلد محتاجة كل قرش.. وحلاوة المولد لا هى قرآن ولا سنة .. وليه الدولة توفر حلاوة المولد”.