"الحجاب ممنوع".. قرية شهيرة فى العين السخنة تمنع نزول المحجبات حمامات السباحة

استعرضت سيدة مشكلة تعرضت لها فى قرية  la vista 6 فى العين السخنة بسبب منع القرية للحجاب داخل حمامات السباحة.

وقالت صاحبة المشكلة  لو انتى محجبة او انتو عيلة او مجموعة صحاب ومعاكم  واحدة محجبة فا  اكيد مش من حقها تنزل الماية ده اللى شايفاه ادارة قرية  la vista 6 فى العين السخنة اللى حصل اننا روحنا شاليه  يومين فى القرية ونزلنا  ال pool  وابتدينا بقى .بمعدل كل عشر دقايق تقريبا واحد من القرية ييجى يقولنا  ويقول لكل المحجبات ممنوع المايوه الكامل ممنوع الحجاب مينفعش تنزلو الماية  وان دى تعليمات الادارة !! ".

وتابعت السيدة عن قرية  la vista 6 فى العين السخنة، "طبعا رفضنا نطلع وفضلنا طول اليوم حد ييجى يعمل نفس الفيلم  تانى يوم قولنا بلاش وجع دماغ ومننزلش ال pool الرئيسى  وننزل اللى قدام الشاليه عشان نعرف نتبسط ..اتكرر نفس اللى حصل وكل شوية حد ييجى يقولنا  ممنوع لحد ما حصلت مشادة كلاميه انتهت بجملة من الموظف ( طيب احنا هنقطع عنكم الخدمات ) وقد كان !طلعنا  لقناهم قاطعين الماية عن الشاليه ..نكلمهم ان احنا معانا اطفال وهيتعبو لا حياة لمن تنادى !  وطبعا متخيلين يعنى ايه اطفال  طالعين من الماية محتاجين  يغسلو جسمهم  ويغيرو هدومهم ويدخلو الحمام ..وبنتى الصغيرة  9  شهور جسمها التهب وتعبت ! الحقيقة انا مش قادرة افهم هما بيدافعو عن ايه !وهبلغ عن المكان ده انهم بيخالفو قرار وزارة السياحة بإنه لا يحق لأى منشأة  تمنع المحجبات من نزول الماية او ممارسة كل النشاطات بشكل طبيعى .