وائل علاء: تفاجأت من موهبة بنتي التمثيلية.. ولما بعمل فيديو من غيرها الريتش بيقع
أعرب الفنان وائل علاء عن إعجابه الشديد بموهبته ابنته في التمثيل، موضحًا أنه تفاجئ من قدراتها التمثيلية، بجانب حديثه عن دخوله وابنته عالم السوشيال ميديا وتمثيل الفيديوهات.
وقال وائل علاء، فى تصريحات تليفزيونية : أنا مكنتش أعرف أن بنتي بتمثل، هي قالتلي أنا عندي حفلة في المدرسة وروحت أنا ووالدتها وإخواتها وتفاجئنا إنها بطلة المسرحية وعاملة شخصية شكوكو، وفجأة عملت عمر الجيزاوي، وبقيت أقول هي دي بنتي اللي كانت ساكتة في البيت؟.
وتابع: بقيت أعمل معاها فيديوهات عشان متبقاش مركزة في حاجة مش مهمة، وأول فيديو معاها دخل في أكتر من 2 مليون مشاهدة، والناس بقت تسأل عليها، ولما عملت فيديوهات من غيرها لاقيت الريتش واقع، ودي رسالة لأي حد بيتفرج على فيديوهات حد ناجح، بلاش نفسنة، يعني لما ألاقي كومنت من وسط الكومنتات بتقول هي دي تربية بنتك؟ مالها بنتي، الدنيا بقت غريبة جدًا وإحنا بقينا في وقت غريب.
وأضاف: أنا فهمت اللعبة، وأي حد دلوقتي وأغلبهم اندر ايدج، يدخل يكتب أي حاجة علشان يبقى موجود، وأنا مبقتش أرد، وميزة السوشيال ميديا إنها قربت الموضوع من الناس، وبقى مهم جدًا.
