انتصار:حقيقة الناس بتبان وقت المطالبة بالفلوس

تحدثت الفنان انتصار عن إتحاد ملاك العقارات، موضحة أنه عند ماطالبتهم للسكان بتكاليف تصاليح العمارة، تظهر حقيقة السكان، ومن منهم الجيد ومن السيء.

وقالت انتصار، في مقدمة برنامجها “من غير نفسنة” الذي تقدمه مع الفنانة بدرية طلبة ونوليا، : المفروض اتحاد الشاغلين اللي موجود في كل عمارة يكون مريح لينا، ونعمل جروب ونخلي عمارتنا أحلى عمارة في المنطقة، كل ده حلو، لغاية ما يبدأوا يطلبوا فلوس وتبدأ تبان نماذج العمارة، وأنا من خبرتي في الجروبات مبقتش أرد عليها، وفجأة بنكتشف أخلاق الجيران والأصدقاء ومين البخيل ومين الكريم.

وتابعت: أمين الصندوق بتاع العمارة ده بطل العالم في التحمل، لأنه بيلم كل الفلوس من العمارة، وبيكون معاه 3 جنيه بالضبط بعد ما صلح كل حاجة في العمارة، ده أمين وشغلته أمينة، وأي حاجة بتبوظ كله بيكلمه علشان يصلحها، ولو قالهم مفيش فلوس يقولوا له أنت أمين الصندوق اتصرف، واللي مستفيد من كل اللي بيحصل هو الساكن اللي مش دافع.