سمية الخشاب: الفن بالنسبة لي هواية بحبها
تحدثت الفنانة سمية الخشاب، عن سبب نجاح أي عمل تقدمه أو تشارك فيه، مؤكدة أنها لا تعتبر الفن مهنة بالنسبة لها ولكن تتخذها هواية.
سمية الخشاب: الفن بالنسبة لي هواية بحبها
وقالت سمية الخشاب خلال لقاء تلفزيوني:" أنا كسولة جدًا، لكن عندي ميزة أشكر ربنا عليها إني لو غبت سنين وطلعت بحاجة بتعمل نجاح كبير، والسر بعد ربنا إني مش محروقة، ومش شغالة عمال على بطال والناس شايفاني ليل ونهار وزهقت من شكلي، ولما تختفي وترجع مرة واحدة بيبقى لك طلة وحشة".
تابعت سمية الخشاب:" الفن بالنسبة لي هواية بحبها، لو مهنة كنت هعتمد عليها واضطر أشتغل أي حاجة علشان أبقى موجودة وانتشر ويبقى عندي مصدر دخل، وإن الناس تقول عني غايبة أحسن من إنهم يقولوا محروقة، أو اشتغل أعمال لا تنجح، ولكن لما أغيب وأرجع بحاجة محترمة أنا كده بحترم جمهوري".
من ناحية أخرى، انتهت الفنانة سمية الخشاب من تصوير دورها ضمن أحداث فيلمها الجديد "التاروت"، والمقرر عرضه قريبا.
فيلم "التاروت" يشارك في بطولته سمية الخشاب، ورانيا يوسف، ناهد السباعي ، ومحمد عز، ويحل كل من أحمد التهامي، ومحمد خميس، ومحمد الشقنقيري، ويوسف منصور طفل الغزالة الرايقة، وكنزي رماح و سعيد يحيى ضيوف شرف بالفيلم، إنتاج روتانا وشركة الكنيج للمنتج بلال صبري، تأليف معتز المفتي، وإخراج إبرام نشأت.
