تدهور الحالة الصحية للفنان عمرو محمد

تدهورت الحالة الصحية للفنان عمرو محمد على الشهير بـ"شقشق مسلسل أرابيسك" نتيجة مضاعفات مرض التصلب المتعدد، وتم نقله لمستشفى الشيخ زايد لتلقى العلاج.

وكان الفنان عمرو محمد قد أعلن فى تصريحات سابقه مع الإعلامي عمرو الليثي أن مرضه يفقده التحكم فى الحركة أو التعامل مع أش شئ حوله.

وكان عمرو محمد قد قال فى لقاء تليفزيوني عن ابنته: "أنا طلقت أم بنتي علشان مظلمهاش ويمكن ده هروب وأنا كنت بحبها أوي ومرضيتش أتعبها معايا كان هيبقى صعب عليا".

وأضاف عمرو محمد على: "أنا متكفل بمصروف بنتي لحد دلوقتي وللأسف بتيجى تاخد مصروفها  وتمشي ومش بتزورني، وأنا قولت لبنتي أنتِ جاحدة وداين تدان".

لترد عليه ابنته شهد عمرو محمد علي: "بقالي كتير ساكتة وقلت لمامتي ما نتكلمش في حاجة، علشان حياتنا الخاصة ما حدش يعرف عنها حاجة، ولكن بصراحة زاد أوي، أنا اسمي شهد عمرو محمد علي معظم الناس ما تعرفش مين شهد لأنه بالنسبة لي اسم في البطاقة ومش هتكلم إنه قال عني جاحدة لأنه في الأول والآخر بابايا وبتمنى له الشفا".

وتابعت:" وماحدش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم، محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي وما أستحملش أسمع عنها نص كلمة وماحدش عارف الحكاية".

وأضافت شهد عمرو محمد على: "حرام أكون طول ما أنا ماشية اشوف في الصفحات الست اللي سابت جوزها.. ليه الناس بتحكم على حد من طرف واحد، وعلشان ما أطولش عليكم الست دي بطلة عملت كل حاجة في الحياة عشاني عشان ابقى إنسانة متعلمة.. وكفاية تحكموا على حد وانتم ما تعرفوش القصة، ورسالة لوالدي بدعي له بالشفا ده أبويا مهما كان أما أهلي أنا آسفة مش مسامحة في كل كلمة باطل اتقالت في حق مامتي".