مرحلة بشعة..منى فاروق: روحت لطبيب نفسي بعد خروجي من السجن

أعربت الفنانة منى فاروق، تفاصيل إعلان اعتزالها الفن، عن حزنها الشديد بسبب عدم تلقيها أي عروض للعمل في مجال التمثيل بعد أزمتها الأخيرة وخروجها من السجن قائلة:  "كلمت كل المنتجين والمخرجين بلا استثناء عشان أشتغل، فمن كان منكم بلا خطيئة فليرجمني بحجر، وتركت شقتي وبعت عربيتي ومعنديش فلوس، وفكرت في الانتحار بعد البوست الأخير".  

تابعت الفنانة منى فاروق في مداخلة هاتفية لبرنامج "خط أحمر" الذي يقدمه الإعلامي محمد موسى على قناة الحدث اليوم،  "حاسة إننا تقيلة على المجتمع، عايزة أروح كوكب تاني، الناس والسوشيال ميديا اللي وصلتني لكده، واتكلموا في عرضي كتير واتسجنت 4 أشهر ونصف ومش عليا أي حاجة والقضية اتحفظت".

تابعت الفنانة منى فاروق،: "عشت تجربة صعبة في سجن القناطر مرحلة بشعة يالهوي يا لهوي، وروحت لدكتورة نفسية، واتعرض عليا أعمل حاجات وحشة وشنيعة بعد خروجي من السجن، بمقابل مادي ورفضت لأنها حاجات حرام".