محدش يشتري القرف ده.. مواطن يعثر على "عفن" داخل عصير بيتي

شكاوى عصير بيتي لا تنتهى ، حيث عثر مواطن جديد على عفن داخل عصير بيتي ، محذرا المواطنين من شرائه قائلا" عصير بيتي تاريخ الإنتاج 2023 والانتهاء 2024 جايبها من سوبر ماركت موثوق منه ومخزنها بطريقة سليمه في التلاجه محدش يشتري القرف دا تاني".

وعلق مواطن أخر قائلاـ" حصل معايا وكان ردهم ان العصير صالح للشرب وعادي المنظر ده.. اسوء شركة واسوء عصير"، وقال أخر ،" اصلا عصيرر يقرف وشركه تقرف برضو".

وتابع أخر،" اى حاجه يكتبلك عليها ١٠%عصير مركز ماتشتريهاش مايه بسكر ومكسبات طعم"، وتابع أخر ،" حد يمنشن لمحمود العسيلي بقي".

وكانت سيدة قد حذرت من قبل من شراء عصائر بيتي بعد عثورها على عفن داخل إحدي المنتجات قائلة،"خالو بالكم من عصير بيتيBeyti Juice

وتفاعلت سيدة أخري محذرة من المنتج،" قبل كده ابني كان بيشرب عصير بيتي ولقي حاجة وقفت في الشفاطة قطعت علبة العصير لقيتحتة عفونة جوافة قسما بالله من ساعتها مابجيبه ابدا حسبي الله ونعم الوكيل فيهم".

وتفاعل شخص أخر قائلا،"ده عصير ميتشربش اصلا  طعمه استغفر الله العظيم وكله مواد حافظه وسكر ومكتوب عليه ان النسبه الفاكههمش اقل من 10 ف الميه يعني كتر خيرهم ممكن يكونوا حاطين 11 ف الميه فاكره والباقي حاجات الله اعلم بيها”

وسخر شخص أخر من منتجات عصائر بيتي قائلا،" طب ومحمود العسيلي ده مفهمني غير كده"، وقالت أخري ساخرة،" امال لو مكنش بيتي".