خالد الفايد بعد إعلان عودته للغناء:"ربنا اجمل من انه يحرم حاجه مفيدة"
حرص الفنان الشاب خالد الفايد، مشاركة متابعيه بكواليس برنامج “ذا فويس كيدز”، الذي شارك فيه من قبل وكان بداية انطلاقته الفنية، مشيرا إلى أنه لم يتوقع رد فعل الفنان تامر حسني، بعد أن اختاره الفايد للانضمام لفريقه في البرنامج.
خالد الفايد بعد إعلان عودته للغناء:"ربنا اجمل من انه يحرم حاجه مفيدة"
ونشر خالد الفايد الصورة، عبر حسابه الشخصي بموقع التواصل الاجتماعي “فيسبوك”، وعلق عليها قائلًا: "قالولي اللي تختاره تقعد علي الكرسي بتاعه، وقتها اخترت تامر ومكنتش متخيل رد فعله أبدا، ومن وقتها حددت هدفي إني أشتغل على نفسي لحد ما أقعد على الكرسي وأكون حكم بجد مش متسابق.. مكمل ولا عزاء للمتخلفين فكريًا".
وتابع:" المزيكا بتخليني مأذيش حد بكلامي، بتخليني انسان راقي فاهم كل حاجه بيعملها، بتخليني انسان حساس وبراعي ربنا ف كل حاجه، بتخليني رحيم بالحيوانات والطيور بتخليني احس بالحياه وجمالها، بتخليني انسان بكل معني الكلمة.. المزيكا مش حرام ربنا اجمل من انه يحرم حاجه مفيدة بالشكل دا".
فاجأ المطرب الشاب خالد الفايد متابعيه بالتراجع عن قرار الاعتزال، موجها رسالة اعتذار للمنتج هاني محروس، ونشر خالد الفايد عبر حسابه في موقع التواصل الاجتماعي فيسبوك صورة تجمعه بالمنتج هاني محروس.
وكتب : "أكبر غلطه عملتها ف حياتي اني سمعت كلام الناس. كنت مخلص من قلبي ..لكن شفت منهم عكس كدا. وربنا يكفيكم شر اللعب ف الودن والكلام الفارغ ربنا يبعد عنكم اي حد بيستغلكم ويضحك عليكم باسم الدين
وأضاف: "ربنا يبعد عنكم اي حد عامل فيها مولانا وهو عطاط. صدقوني في حاجات مش هقدر اشرحها ليكم. ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم اوعي تسلم ودنك لحد وتخليه يبخ فيها سموم. دا درس اتعلمته حبيت اوضحه علشان محدش يقع في نفس غلطتي".
