"فاكر لما قالك هعلقك في الاستوديو".. عمرو أديب يهاجم ميدو بسبب مرتضى منصور
أبدى الإعلامي عمرو أديب اندهاشه الشديد من تصريحات أحمد حسام ميدو، نجم نادي الزمالك الأسبق، والتي تناول فيها هجوم عمرو أديب على مرتضى منصور، رئيس نادي الزمالك "المعزول"، بسبب وجود مشكلة بينهما.
"فاكر لما قالك هعلقك في الاستوديو".. عمرو أديب يهاجم ميدو بسبب مرتضى منصور
وقال عمرو أديب في تصريحات تلفزيونية، "ميدو اللي بيدافع عن مرتضى منصور ده وطلع من كام يوم بيقولي أصل انت عندك مشكلة مع مرتضى .. أنا مشكلتي مع مرتضى منصور ابتدت بسببك، لما قالك أنا هعلقك من رجلك في الاستديو لو طلعت مع عمرو أديب، وقالي انا هقفل المحطة لو طلعت ميدو معاك في الحلقة، وطبعًا لا هو ولا اللي يتشددله يقدر يقفل القناة، ويومها أنا خدت المسئولية على نفسي وقولت لا ميدو هيطلع معايا وهيتكلم .. طيب فاكر يا ميدو يومها مرتضى منصور قال عليك ايه ؟ فاكر قال بيتعمل فيك ايه يا ميدو؟ طب فاكر بعدها لما كلمتني وقولتلي يا عمرو أنا هتصالح مع مرتضى منصور، عشان كل شوية بيشتمني، وأنا مش عايز حد يشتمني".
وأعرب عمرو أديب عن استنكاره من حديث مرتضى منصور رئيس نادي الزمالك "المعزول" عن اللاعب إمام عاشور، مختتمًا: "إيه الهبوط والتدني ده؟ ربك دلوقتي يمهل ولا يهمل، كل يوم ربنا بيوريه آية من آياته، كل يوم قضية وبلاغات شكل.. أنا عارف عقدته كان نفسه يبقى مذيع، اسألوه فين حزب الإخلاص؟".
"محدش يعرف يحركني".. ميدو يوجه رسالة قوية إلى المستشار القانوني لـ الأهلي
وجه أحمد حسام ميدو، نجم الزمالك الأسبق، رسائل نارية إلى المحامي محمد عثمان المستشار القانوني للنادي الأهلي والإعلامي عمرو أديب.
وقال ميدو في تصريحات تلفزيونية للمحامي محمد عثمان المستشار القانوني للنادي الأهلي، "اسأل على ميدو كويس، اسأل المحامي بتاعي، هو صديق شخصي ليك، ميدو محدش بيعرف يحركه، وميدو طول عمره مشكلته الرئيسية إن محدش بيعرف يحركه، أنا مش زعلان منك لأنك متعرفنيش، لو عرفتني كويس، عمرك ما كنت هتقول عليا الكلام ده، أنا مش صغير".
وأضاف ميدو: "بوجهلك رسالة، أنا مش في خناقة مع حد ولا أشخاص، وأدافع عن الزمالك وليس أشخاص، ومصلحة النادي الأهم بالنسبة لي، في حقايق هنقولها في وقتها، ومش زعلان منك عشان أنت متعرفنيش".
ورد أحمد حسام ميدو، نجم الكرة المصرية السابق، على تصريحات الإعلامي عمرو أديب بشأن أمنية لاعبي الزمالك في الانتقال إلى صفوف الغريم التقليدي النادي الأهلي.
وقال ميدو في تصريحات تلفزيونية: "معنديش مشاكل مع الإعلامي عمرو أديب، وعلاقتي بيه جيدة جدا، لكن مينفعش يطلع يقول إن لعيبة الزمالك كلها نفسها تروح الأهلي، ايه الدليل اللي معاك على الكلام ده؟".
وأضاف ميدو: "كلامك يا أستاذ عمرو يضر النادي جدا، أحسن لاعب في مصر وهو أحمد سيد زيزو لسة مجدد في الزمالك وكان عنده عروض من الأندية المنافسة في مصر، لعيبة الزمالك معظمها لسة مجدد، ومفيش غير 3 أو 4 بس عقودهم بتنتهي والناس شغالة على التجديد".
وأكد أحمد حسام ميدو، أن لاعبو الزمالك حصلوا على نسبة 60% من مستحقاتهم المالية، وهو نفس ما حصل عليه لاعبي الأهلي، متابعاً، "لاعبو الزمالك حاصلين على نفس النسبة التي حصل عليها لاعبو الأهلي هذا الموسم وتصل إلى 60%، الزمالك كبير وسيظل كذلك، غير راضيين عن بعض الأمور، ولكن لا يمكن أن تصل الأمور إلى حد تدمير النادي".
واختتم ميدو: "المستحقات بتتأخر في بعض الشهور لكن ده طبيعي وبيحصل في أي نادي لكن كل مكافآت المباريات اللي فاتت كانت بتتصرف بعد الماتشات".
