مرتضى منصور: جبت 14 بطولة للزمالك.. وعيشني ربع الخطيب واتحداه ياخد بطولات قدي
الجمعة 21/يوليو/2023 - 11:12 م
تحدث مرتضى منصور رئيس نادي الزمالك (المعزول)، عن إنجازاته خلال فترة رئاسته للقلعة البيضاء مؤكدا أنه صاحب الفضل على الفريق.
مرتضى منصور: جبت 14 بطولة للزمالك.. وعيشني ربع الخطيب واتحداه ياخد بطولات قدي
وقال مرتضى منصور خلال المؤتمر الصحفي المقام حاليًا في نادي الزمالك: "كل سنة بجيب في الألعاب الجماعية 6 بطولات، غير 3 دوري وكونفدرالية، وجبت للنادي 14 بطولة مقابل بطولة واحدة مع ممدوح عباس وجايين بتكلموني".
وتابع: "قعدتوا تقولوا هات فيريرا وضيع 4 بطولات في شهرين وحرق كل اللعيبة الجديدة وأرهق اللعيبة القديمة".
وأضاف: "عيشني زي محمود الخطيب رئيس النادي الأهلي، أو نصه أو ربعه واتحدى أي حد أنه ياخد بطولات زيي".
وأردف: "لما كان النادي ماشي كويس وفيه فلوس تعاقدت مع عبد الله السعيد من قلب الأهلي عشان كان معايا الفلوس لكن دلوقتي هجيب منين، حد يقول لممدوح عباس حجزت على النادي ليه وانت واخد فلوسك 3 مرات.
