مش هاممني حد.. طالبة "روب الفلوس" عن حفل اتهام المتابعين لوالدها: مش تاجر آثار
نشرت "نورا عادل" الشهيرة بطالبة "روب الفلوس" عبر صفحتها الشخصية على موقع الفيسبوك، منشور ردًا على التعليقات السلبية التي كانت على فيديو تداوله رواد مواقع التواصل الاجتماعي، تظهر فيه وهي في حفل تخرجها ويهديها والدها روب وكاب من الفلوس فئة مئتان.
ونفت الطالبة كون والدها تاجر آثار ومخدرات كما اتهمه البعض قائلة: "احنا لا شحاتين ولا بيتنا مفهوش كبايه زي التانيه، ولا هو تاجر اثار برضو، واللي خلي بابا يفرح اكتر اني جبت تقدير عالي ف مشروع تخرجي واني الوحيده اللي قدرت اناقش مع الدكاتره واخلي مشروعي حاجه الكل يتكلم عنها".
وأوضحت الطالبة أنها لا تريد أن تصبح "تريند" كما قال بعض مستخدمي مواقع التواصل الاجتماعي، مضيفة "أنا لا حابه اكون تريند ولا اي حاجه م الكلام دا خالص انا ابسط من كدا والله العظيم، بحمد ربنا ع تخرجي واني قدرت احقق جزء صغير م مجالي وبتمني اني اوصل بمجهودي مش بتريند".
وشارك الجمهور بتعليقات سلبية تسخر من كليتها، وترد عليها "نورا" بقول "مش لازم اكون ف طب عشان والدي يفرح بيا، وانا خصيمه اي حد شتمني وقال ف حق اهلي كلمه وحشه، وشكرا لكل اللي دافع عني"
