نداء شرارة ترد على سبب تقليل أسعار تذاكر حفلاتها
كشفت المطربة الأردنية نداء شرارة، السبب وراء انخفاض أسعار تذاكر حفلاتها مقارنة بباقي المطربين، مؤكده أنها هدفها ليس المال هدفها إسعاد الجمهور.
نداء شرارة ترد على سبب تقليل أسعار تذاكر حفلاتها
وكتبت نداء شرارة، عبر صفحتها على موقع التواصل الاجتماعي "الفيسبوك":" أنا المسؤول، وأنا اللي بطلب تكون أسعار التيكتات، بحفلاتي معقولة عشان كل الناس تقدر تحضر ولو عليا بخلي كل الناس تحضر ببلاش أنا بنت الأردنيين وهما دعموني".
وتابعت:" كل إنسان عنده هدف وأنا هدفي ليس المال هدفي أفرحهم وحفلاتي بالأردن بـ استثناء المهرجانات غالبا بتكون من تنظيمي لأني ما بقدر أغني بأي مكان ف بعمل حفلات بمسارح مرتبة وبرفض أرفع سعر التيكت".
واستكملت:" عشان الناس كلها تقدر تيجي وبربِح تيكتات ل اللي مش قادرين يدفعوا وجمهوري بعرف هاد الشي، زمان قبل ما أكون بالفن كنت بحب أروح احضر فنانين، بس ما كنت بقدر اشتري تيكتات اليوم بعرف الشعور".
واضافت:" لذلك بحب كل الناس تيجي وبستمتع بالحفلات اللي جمهورها جاي يحضر ببلاش وبحس وقتها قديش عندي شعبية مش مجرد حدا مشهور وخلص، والنظرة المأخوذة عن الفنان الأردني أنه مظلوم ياريت نغيرها أحنا برضو بس يكون عنا حفلات بأي بلد برا أسعار التيكتات بتكون مرتفعة وهاد مش بإيدنا لأنه بطبيعة الحال".
واختتمت نداء شرارة حديثها: " أي فنان رح يجي من برا تكلفته عالية جدا على قائمين الحفل لذلك يتم رفع سعر التيكت أهلا بكل الفنانين اللي بتنورنا والله يديم علينا نعمة الأمن والأمان وتضل الأردن بخير وحب وفرح".
