سماح أنور: هتواصل معاكم خلال الفترة الحالية بأعمالي فقط

حرصت الفنانة سماح أنور، توجيه رسالة لجمهورها عبر حسابه الرسمي بموقع التواصل الإجتماعي "فيسبوك".

سماح أنور: هتواصل معاكم خلال الفترة الحالية باعمالي فقط

وقالت سماح أنور:" في ناس كتير بتسأل ليه مش بطلع لايفات زي الأول، الحقيقة أنا مش هكون فاضية خالص خلال الفترة المقبلة أعمل ده أو أتواصل بشكل شخصي مش هيبقى متاح، ولكن هقدر أتواصل معاكم بالطريقة اللي متعودة عليها طوال حياتي وهي التواصل من خلال أعمالي".

تابعت:" بعتذر لكل الناس اللي منتظرة منى لايفات شخصية، ده مش هيكون موجود أو متاح أبدأ بعد كده لكن اللي هيكون متاح أخباري وأعمالي الفنية سواء كانت على ميديا التلفزيونية أو السينمائية أو من خلال ميديا  بتاعت السوشيال ميديا، اللي هتابع معاكم فيها دائما اللي بعمله وبشاركم وأتمنى يكون بيرسم بسمة على وشكم، بحاجة لطيفة لمدة دقيقة أو دقيقتين، ودى أكتر وأحسن حاجة ممكن أقدمها وأتمنى ليكم كل الخير والسعادة".

أضافت سماح أنور:" إن شاء الله نتقابل دائمًا في أعمال فنية جديدة، يارب أن شاء الله تعجبكم وأتمنى ليكم كل الخير وكل السعادة لكل الناس ودائمًا نتقابل من خلال أعمالي وأنتظر آرائكم لأن من غير آرائكم منعرفش نستمتع بالفن اللي أحنا بنقدمه وبشكركم جدًا على كل شيء وعلى متابعتي  بشكل شخصي ال 3سنوات اللي فاتوا وأتمنى ليكم كل الخير والسعادة".