محدش يحاسب بالفيزا.. فتاة تحذر من سرقة سائقي أوبر للعملاء
حذرت فتاة من حيلة سائقي شركة أوبر لسرقة العملاء فى حالة الدفع عن طريقة الفيزا، مطالبه بعدم التعامل بالفيزا مع شركة أوبر.
وقالت الفتاة،" طريقة جديدة في السرقه في اوبر محدش يحاسب فيزا تاني عشان هيتسرق زي ما حصل معايا انا كنت رايحة مشوار من المعادي لوسط البلد وتكلفة الرحلة 87 جنيه اتفاجئ انه تم سحب 139 جنيه ليه بقي لان السائق المحترم لم ينهي الرحلة وفضل مكمل بيها انا وصلت الوجهه بتاعتي الساعة 1.22 الرحلة تم إنهاءها الساعة 1.46 ده يرضي مين يعني؟".
وتابعت عن مشكلتها مع شركة أوبر" ده غير تلاته كنسلوا بعد ما وصلوا اللوكيشن عشان وسط البلد زحمة واتاخرت عن معادي لاكتر من نص ساعه والجو صعب اني اقف انتظر كل ده في الخر الشديد ده يرضي مين يعني اللي بيحصل ده انا غلطت اني بحاسب فيزا يعني للدرجة دي مفيش ضمير عند الناس ويستحلوا الحرام كده عادي.وبعت ابلاغ عن المشكله في اوبر ولا حد عبرني ولا حد رد عليا".
يذكر أن هذه ليست المشكلة الأولي التى يتم سردها بعدم أمانة سائقي شركة أوبر فقد سبق وحذر مواطن من التعامل مع شركة أوبر والتعامل مع سائقيها وذلك بعد تعرضه للسرقة من سائق أوبر ، وقال صاحب المشكلة ،" عندي مشكله سرقه من سائق في Uber و اوبر لم تقوم بالمساعده المطلوبة.. يوم الجمعه 21/4/2023 طلبت خدمه اوبر (توصيل Package) من الحي العاشر إلي التجمع الخامس و السائق اخذ الحاجات و بعد ما بدأ الرحله ب ٥ دقايق قفل الرحله و خلع. طبعا معيش اي رقم اكلمه عليه. معنديش غير اسمه و صورته و رقم الموتوسيكل زي ما موضح في الصور".
وتابع عن مشكلته مع شركة أوبر ،" طبعا اول حاجه عملتها قدمت شكوي ل اوبر عشان يساعدوني ارجع الحاجه و عندهم بينات السائق. كان ردهم عليها هنتخذ الاجراءت و طلبو موافقه مني يشاركو رقم تلفوني مع السائق و تمام وافقت بس قولتلهم هو سارق هيكلمني يرجع الحاجه اذاي؟ كان ردهم نفس السؤال ممكن نشارك رقمك للسائق؟... قولت ماشي مفيش مشكله و محدش تابع معايا بعتلهم تاني يوم .. قالولي تم مشاركه السائق رقمك و هيتواصل ينسق معايا. استغربت هيكلمني يرجع الحاجات و هو اخذها اذاي !! ف قوتلهم ممكن تشاركوني رقم تلفونه / رخصه القياده / بطاقه .. لم يتم الرد عليا و يقفلوا الشات ".
وتابع عن مشكلته مع شركة أبور ،" رحت عملت محضر في القسم و المشكله ان رقم الموتوسيكل الموجود علي ابلكيشن اوبر لم يتم العثور عليه من قبل المرور ف طبعا في مشكله كمان مع اوبر داخليًا "عشان حاجه ذي دي تحصل مفيش اي رقم اكلم عليه اوبر عشان مش موجود؟ الكارثه الاكبر ان معني كده ارقام العربيات او الموتوسيكل ممكن تكون مش حقيقه ف ممكن يخطف حد!!… انا مش عارف اوصل لحل ف لو حد عنده فكره ياريت يقويلي اعمل ايه؟ و خلي بالكو قبل ما تركب العربيه من شكلٍ السائق و العربيه و الارقام تكون ذي الابليكشن".
