المكالمة كاملة.. ننشر هجوم ميدو ضد أمير مرتضى منصور (فيديو)

وقال ميدو، في تصريحات عبر الراديو مع الإعلامي كريم حسن شحاته، مرتضى وأولاده يصدرون للناس بأن هناك عداوة بين الأهلي والزمالك، وأن الأخير سيقع بعد رحيلهم، وهذا ليس صحيحًا.

وتابع، "اتخانقت مع مرتضى وهو بعتلي بلطجية وأنا بعتله، فأنا مش هخاف من مرتضى، بس مكنتش عايز يتقال إن ميدو بيهاجم مرتضى وهو واقع وضعيف".

وأضاف أن مرتضى وأولاده يحاولون هدم نادي الزمالك، وهذا لن يحدث.

وقال ميدو في حديثه عن أمير مرتضى، "انت مين يلا.. ولا حاجة.. إنت لولا أبوك ولا حاجة.. عيب.. إحنا ناس محترمة وبنقدر الناس الكبيرة.. كابتن الخطيب رغم إني مختلف معاه في بعض الحاجات اللي بيدير بيها النادي ولكن فوق دماغنا.. الناس دي ناس كبار".

وأضاف، "انتوا ولا حاجة يا أمير ولا أنت ولا أبوك بتأجروا لجان إلكترونية بس.. عيب إحنا ناس اتربينا على الأصول والأصول تقول إننا بنحترم الكبير.. مثل حسن شحاتة فمينفعش أدخل معاه في مشكلة.. دخلت معاه قبل كده في مشكلة وأنا صغير ولكن لابد من وجود اعتبار للسن".

وأشار إلى أنه في حال رؤيته للخطيب كل يوم سيقوم بالتصوير معه، لإنه أسطورة، وهو ما ينطبق على حسن شحاتة.

وتابع ميدو، "أمير مرتضى عامل مرتبات للجان الإلكترونية دي وبيقبضهم بالشهر وأنا هعلمه الأدب واللي رباكوا على عدم احترام الكبير راجل عربجي".

وأكد أن علاج أزمة الاحتقان باختفاء مرتضى منصور وأولاده، متسائلًا عن سبب انتشار فكرة وجود حرب بين الأهلي والزمالك.