إجراء جديد من نقابة المهندسين بعد وفاة أحد أعضائها فى مشروع تابع لشركة سوديك
نعي نقيب المهندسين ، المهندس طارق النبراوي ، وفاة المهندس الشاب فادي نبيل الذى توفي فى حادث أليم داخل كمباوند شهير تابع لشركة سوديك.
وقال نقيب المهندسين،" بكل الحزن والأسى أنعي الابن المهندس فادي نبيل ميخائيل، الذي وافته المنية إثر حادث أليم أثناء أداء مهام عمله في أحد المواقع بالقاهرة، وخالص العزاء لأسرته وذويه، وجاري اتخاذ الإجراءات اللازمة لضمان عدم ضياع حقوقه، وبينها توجيه لجنة المساندة القانونية بسرعة التعامل مع الحادث الأليم وملابساته، والبدء في اتخاذ كافة الإجراءات القانونية لحماية حقوقه، وكذلك توجيه لجنة السلامة والصحة المهنية بالتحقيق في الواقعة المذكورة، مع مراجعة إجراءات الصحة والسلامة المهنية في هذا المشروع".
ولقي مهندس فادي نبيل ، مصرعه قتلا على يد سائق لودر فى إحدى الكمبوندات التابعة لشركة سوديك.
وقال أحد أقارب المهندس فادي نبيل ،" انا اسف يا جماعه انا مليش فبوستات الفيس بوك والكلام ده ومبحبش انزل حاجه اصلا….واول مره اطلب طلب من اي حد هيشوف البوست ده لازم ياساعدنا ويشيروا علي اوسع نطاق ….الشركه الزباله دي SODIC هي سبب مباشر ف قتل ابن خالتي المهندس/ فادي نبيل ربنا يرحمه…بسبب اهمال السيفتي واعتراض المهندس المسؤول للناس اللي حاولة تساعد..! عشان يكملوا شغلهم وعشان الناس اللي هتيجي تشتري شقق ميعرفوش انها شركه وسخه ويطفشوا……فادي ربنا يرحموا كان شب جميل ومجتهد والناس كلها بتحبوا .. كان بيقوم بشغله ك مهندس موقع معماري وشغال تبع شركه مقاول من الباطن اسمها Perfect…
وتابع ،" باختصار ….سواق لودر جه من ورا ورفعه بشوكة اللودر ووقعو من فوق مش بس كده ده نزل الشوكه علي دماغه مرتين عشان يقتله…يعني قتل عمد!!لا ولم استجوبوه قالهم انه عليه عفريت…..يعني فااااااكس الفاااااكسالكارثه في ان لم عربية اسعاف جت بعد نص ساعه كوتشها فرقع عشاااان حتت من الحديد المسلح وحتت من الرباط ورايش تاني موجود ف كل حته فالموقع ….وده يدل ان مفيش سيفتي بالمره مفيش مراقبه وفي استهتار بروح الناس اللي شغاله فعربية الاسعاف عشان تروح المستشفي كان فادي مات…والموقع رجع اشتغل كان شييئ لم يكن….بالنسبه لفادي فراح للي خلقه شهيد…بالنسبه بقي للشركه ممكن كام مهندس او عامل او بنيئادم ممكن يكونوا مكان فادي ….؟
