رسالة تامر عاشور لـ مهرجان صيف الكويت (صور)

أحيا المطرب تامر عاشور، حفله الثاني فى دولة الكويت، بالأمس، ذلك الحفل الذى أقيم على هامش مهرجان صيف الكويت.

وأعرب تامر عاشور، عن سعادته عبر حسابه الشخصي على موقع تبادل الصور والفيديوهات الشهير "إنستجرام"، قائلًا :"كل الشكر لجمهور الكويت الكبير على الحفاوة والاستقبال مكانش عندي شك ابدا ان افتتاح مهرجان الصيف هيفوق توقعاتي وقد كان".

وأضاف تامر عاشور، قائلًا :"فعلا جمهور كبير وحافظين كل الاغانى وبشكر الشركة المنظمة والشركة المنتجة وان شاء الله اشفكم قريب".

تامر عاشور: "كل ده بفضل ربنا"

في سياق آخر قدم عاشور، خلال الأيام القليلة الماضية حفلين غنائيين بجدة، نشر تامر، مجموعة صور من الحفل وكتب:" اتشرفت بأني اكون اول مطرب مصري يحيي حفلتين كاملتين العدد يومين ورا بعض في الغالية على قلبي جدة يومين استثنائيين في حياتي ومشواري اللي بدأته مع اهل المملكة خطوة خطوة من البداية حتى الآن بتعب ومثابرة ومجهود عشان اوصل لليومين دول.

وأضاف تامر عاشور :" كل ده بفضل ربنا ثُم الجمهور السعودي وبدعم كبير وثقة من الرائد حبيبي واخي ابو ناصر الداعم الأول للفن والابداع عامه وليا خاصة في المملكة بلا توقف - ثم الأهل والأصحاب وهم شركة بنش مارك فرد فرد اللي ماشاء الله شغالين زي الساعه بكل حب ورضا وابتسامه تفتح نفسك على أي شيء.

وتابع تامر عاشور، قائلًا :"وعايز اشكر مصر وجمهور مصر بلدي اللي كل الفضل يرجعلهم بعد ربنا في كل ما وصلت ليه  كل الشكر للفرقه الموسيقيه بقيادة المايسترو الأهم هاني فرحات مش علشان الحفله بس،علشان التعب والبروڤات والجهد والسهر ثم النتيجة، وبالمناسبه دي النهارده بقالي تقريبا 20 سنه بغني ليكم.وكوّنت في أذهانهم ذكريات كتير انا فخور بكده وده مش معناه ان سنّي كبير انا عمري 22 سنه تقريبا فا تحبوا تقولولي ايه بالمناسبة السعيدة دي ؟".