"اتعصب شوية فقطعوا عنه الخط".. فودافون تعاقب عميل بطريقة غريبة

تعرض مواطن تجربته السيئة مع شركة فودافون ، وطريقة تعاملهم مع العملاء بطريقة لا تصلح ، على حد قوله ، بعد أن قطعوا عنه الخط لمجرد تعصبه وقت مشكلته.

وقال صاحب المشكلة مع فودافون،" حابب احكى عن تجربتى مع ڤودافون انا اتعاملت مع فرع الرحاب المتواجد فى السوق الشرقى علشان احول من كارت لى ڤودافون ريد 1000 الى هو اكبر حاجة عندهم الى مفروض بيقولو عليهم عملاء مميزين .. روحت فى 12 يوم 3 مرات و كل مره يقولو عملنا الطلب و الطلب بيتنفز و اكلم خدمة العملاء بعدها بيومين تلاتة من كل مره يقولى مغيش طلب اقولو طيب ممكن اعمل طلب من عندك يقول حاضر و برضو مفيش ناتج و الى جد انهارده روحت و اتعصبت غصب عنى لان كل مره يتقالى نفس الكلام .. راحو قطعين عنى الخط و كأنو مثلاً عقاب و دالوقتى شغلى عطلان و حاولت اكلمهم برضو قفلين عنى حتى انى اكلم خدمة العملاء".

وتابع عن مشكلته مع شركة فودافون،"  انا بس حابب اقول لائ شخص حابب يبقى ڤودافون او بشترى خط منهم انك بجد بتبهدل نفسك بفلوسك والله و انهم مش بيشغلو حد فاهم و كمان سلوكهم سئ جداً  و و التعامل كأنك بتتعامل مع شخص من شركة مفروض انها اسم عالمى".