منتجات لاكتيل سيئة.. مواطنون يحذرون من شراء منتجات الشركة

حذر عدد من المواطنين من شراء منتجات شركة لاكتيل وذلك بعد أن وثقت إحدي السيدات تجربتها مع لبن لاكتيل ومماطلة خدمة العملاء فى الشركة.

وقالت السيدة،" Lactel Egypt مساء الخير جوزى جاب لبن لاكتيل من كارفور وجاب كمية  بما اننا داخلين علي رمضان  اللبن لما اتسخن جيت اشرب لقيت طعمه غريب قولت حاجة بايظة وبعدين لقيت بنتي بتقولى ريحة اللبن وحشة وابني اللي عنده سنتين مرضاش يشربه اصلا المهم بعتلهم علي الصفحة بقالي حوالى اسبوعين اهو كل شوية يردو ان تم التواصل مع القسم المختص وهيتواصلو ولما جربو مرة واحدة الموبايل كان مفيش شبكة قالو اتصلنا والموبايل مقفول انا مرفقة سكرين شوت بالمحادثة علشان تشوفو اننا لما بنحاول نحل المشكلة بشكل ودى بيحصل مماطلة ازاى ولما جوزى اتواصل معاهم كلموه واقترحو انهم ييجو ياخدو العلب المفتوحة طيب وباقي الكراتين طيب قالو حد هييجي يدوق اللبن الاول قالهم في رمضان ؟ ومع ذلك قولنا تمام لان انا اللي كنت مقترحة كدا اصلا للمصداقية  قالو طيب القسم المختص هيرد علي حضرتك في خلال 48 ساعة امال انتو اي قسم !! وطبعا عدى ال 48 ساعة ومحدش رد ..انا مطلبتش اكتر. من تبديل العلب فقط لا غير انا مش فاهمة المماطلة دى علي ايه.