محمد رجب: اشتغلت كومبارس فترة طويلة واكتشفتني ايناس الدغيدي

أكد الفنان محمد رجب، أنه عمل كومبارس لفترة طويلة خلال مشواره الفني حتى رأته المخرجة الكبيرة ايناس الدغيدي، قائلا: "في فترة كبيرة اشتغلت فيها كومبارس واتبهدلت لغاية ما إيناس الدغيدي شافتي بعد رحلة يأس كبيرة وكانت شافت صورة ليا".

وأضاف محمد رجب، في تصريحات تليفزيونية، أن المخرجة ايناس الدغيدي أعجبت بصورتي وطبقة صوتي، متابعا: "قالت لي عايزاك معايا في فيلم وكنت أول اكتشاف مع هند صبري وأحمد عز في فيلم مذكرات مراهقة".

وتابع: "لم أهتم قوي بالدور ولكن كنت عايز أخذ خطوة بعد رحلة عذاب ومهانة ولكن مع تكرار دور الشرير كان في نظرة للناس ليا أني شرير وكنت مش بحب كده، ومقوماتي النفسية مش قادر اتقبل الكراهية المطلقة، وتوقفت ومكنتش عايز اكمل كده ونجحت في كل أدواري وظهوري لدور الشرير كان ناتج عن اعتذارات ناس".