الإثنين 06 مايو 2024 الموافق 27 شوال 1445
رئيس التحرير
حازم عادل
فن وثقافة

نهى العمروسي: كنت بركب موتوسيكلات واتربيت في بيت متدين وشيوعي (فيديو)

الإثنين 27/مارس/2023 - 11:48 م
 نهى العمروسي
نهى العمروسي

كشفت الفنانة نهى العمروسي، تفاصيل كثيرة عن طفولها، والبيئة التي نشأت فيها وسط عائلتها التي كانت تمتلك الكثير من الوعي.

 

وقالت نهى العمروسي، في تصريحات تليفزيونية، أتربيت في بيت عيلة بيت مفتوح، أنا قضيت طفولة سعيدة جدًا ، كنت محظوظة بأني من عيلة عندها وعي ومثقفة وبتشرع قوانين وكنت بسمع مناقشات وأنا صغيرة في السياسة والقوانين، وعندي فيها كل الفئات شيوعيين، ومتدينين أوي، وكل الأفكار كانت بتتقال حوليا.

 

 

واستكملت نهى العمروسي حديثها: عودوني على القراءة كلهم بيقرأو منهم أختي الكبيرة، ولما كبرت حسيت أنهم كونوا وجداني وخلوا عني وعي، وعديت بحاجات صعبة كتير، وطول عمري مكنتش بتفهم صح ولحد دلوقت دي صعوبتي في المجتمع، يعني مثلا كنت بركب موتسيكلات وأنا عندي 11 سنة، ودايمًا يشوفوني صايعة، وكان عندي موتسيكل وأنا في 3 إعدادي.

 

 

وتابعت نهى العمروسي: جدي وخالي غرسوا فيا حتة الحرية، وميكنش عندي حاجة مقيداني، وعندي حرية الفكر، أنا اللي أحدد حريتي لحد فين، وحرية الفكر غير التصرف، وأنا كسرت الحاجز بتاع المجتمع لما ركبت الموتسيكل.