حسن شاكوش للفنانين المتجاهلين حفل زفافه:"محطوطين بالقايمة السوداء والدنيا دواره"
وجه مؤدى المهرجانات الشعبية حسن شاكوش، رسالة لكل الفنانين الذين تجاهلوا حفل زفافه، الذى أقيم يوم السبت الماضى، فى أحد الفنادق المطلة على نهر النيل.
حفل زفاف حسن شاكوش
وقال حسن شاكوش، عبر حسابه الشخصى على موقع تبادل الصور والفيديوهات الشهير "إنستجرام" :"اللي مجاش محطوط في القايمة السوداء وهو عارف نفسه والدنيا دواره، أنا بعذر كل الناس اللي عندهم ظروف أو تصوير، لكن اللي مجاش وهو كان قاعد فاضي مش هنروح من بعض بعيد، في ناس عزمتها على الفرح مذيعين ومجوش ولما الفرح عمل تريند يكلم إدارة أعمالي عشان أطلع معاه حلقة، أنت عبيط؟".
وأضاف حسن شاكوش، قائلًا :"أنا طالع النهاردة عشان أشكر كل النجوم اللي جاتلي الفرح أشكر كل نجم شرفني في فرحي وأولهم النجم تامر حسني، على المستوى الشخصي أنا وتامر إخوات وأنا من معجبينه، وبشكر النجم الكبير حمو بيكا والنجم الكبير عمر كمال والنجم الكبير أحمد باتشان والنجم الكبير عم أحمد شيبة ومحمود الليثي والنجم رامي صبري، شرف ليا وجودة والنجمة وفاء عامر وهنادي مهنا وراندا البحيري وماجد المصري".
